દિવાળી દરમિયાન દિલ્હી-એનસીઆરમાં પ્રદૂષણમાં પણ નોંધપાત્ર વધારો થયો છે. રાજધાની દિલ્હીમાં સરેરાશ હવા ગુણવત્તા સૂચકાંક 556 નોંધાયો છે. વધતા પ્રદૂષણને કારણે લોકોના સ્વાસ્થ્યને પણ ગંભીર અસર થઈ રહી છે. ઝેરી હવાના કારણે લોકોને શ્વાસ લેવામાં તકલીફ, ઉધરસ, ગળામાં દુખાવો અને આંખોમાં બળતરા જેવી સમસ્યાઓનો સામનો કરવો પડી રહ્યો છે.

જો કે પ્રદુષણના કારણે ઉધરસની સમસ્યાથી મોટાભાગના લોકો પરેશાન છે. ખાંસી વધે ત્યારે પેટ અને પાંસળીમાં દુખાવો થવા લાગે છે. જો આવી સમસ્યાનો સામનો કરી રહ્યા છો, તો તેનાથી રાહત મેળવવા માટે કેટલાક ઘરેલું ઉપાયોનો ઉપયોગ કરી શકો છો. આનાથી ઉધરસને ઘણી હદ સુધી નિયંત્રિત કરી શકાય છે.

આદુ 

રિપોર્ટ અનુસાર, પ્રદૂષણને કારણે થતી ઉધરસથી છુટકારો મેળવવામાં આદુ ખૂબ જ ફાયદાકારક સાબિત થઈ શકે છે. તેમાં એન્ટિ-માઇક્રોબાયલ અને એન્ટિ-ઇન્ફ્લેમેટરી ગુણ હોય છે, જે કફની સમસ્યામાં રાહત આપે છે. આ માટે આદુનો એક નાનો ટુકડો મધ સાથે ખાઈ શકો છો.

મધ

કફની સમસ્યામાં મધ ખાવું પણ ખૂબ જ ફાયદાકારક છે. તેમાં ડેક્સ્ટ્રોમેથોર્ફન નામનું તત્વ જોવા મળે છે, જે કફને નિયંત્રિત કરે છે. આ માટે એક ચમચી મધ ખાઈ શકો છો અથવા તેને હુંફાળા પાણીમાં ભેળવીને પી શકો છો.

મીઠાના પાણીથી કોગળા કરો

મીઠાના પાણીથી કોગળા કરવાથી ફેફસાં અને શ્વસનતંત્ર સાફ થાય છે. આનાથી ગળામાં ખરાશ અને ઉધરસમાં રાહત મળે છે. એક કપ ગરમ પાણીમાં અડધી ચમચી મીઠું ભેળવીને દિવસમાં ઓછામાં ઓછું બે વાર કોગળા કરો. આનાથી ઘણો ફાયદો થઈ શકે છે.

સ્ટીમ લો

જો ઉધરસ થઈ હોય તો તેના માટે સ્ટીમ લઈ શકો છો. દિવસમાં બે વાર 10 થી 15 મિનિટ સુધી સ્ટીમ લો. ઉધરસમાં સ્ટીમ લેવી પણ ખૂબ જ ફાયદાકારક માનવામાં આવે છે.