રશિયા-યુક્રેન યુદ્ધ વચ્ચે રશિયન આર્મીમાં ફસાયેલા તમામ યુવકો ભારત પરત ફર્યા છે. તેઓએ વડાપ્રધાન નરેન્દ્ર મોદીનો પણ આભાર વ્યક્ત કર્યો હતો. તેલંગાણાના નારાયણપેટનો યુવક મોહમ્મદ સુફીયાન પણ ત્યાં ફસાઈ ગયો હતો. તેને ભયાનક દ્રશ્ય વિશે શેર કર્યું અને પોતાની આપવીતી શેર કરી છે. તેણે કહ્યું,  હું યુક્રેનની અંદર 60 કિલોમીટર અંદર રશિયન સૈનિકો સાથે એક કેમ્પમાં હતો. 6 સપ્ટેમ્બરે એક સ્થાનિક આર્મી કમાન્ડર આવ્યો અને કહ્યું કે અમને નોકરીમાંથી બરતરફ કરવામાં આવ્યા છે અને અમારો કરાર હવે માન્ય નથી. તેઓએ ગુલબર્ગાના ત્રણ યુવાનો અને રશિયનો સાથે લડતા અન્ય વિદેશી નાગરિકોને લઈ જતી આર્મી બસ આપી અને અમે બે દિવસ પછી મોસ્કો પહોંચ્યા હતા.

મોસ્કો પહોંચ્યા કે તરત જ અમને સહી કરવા માટે રશિયન ભાષામાં એક દસ્તાવેજ આપવામાં આવ્યો. અમને કહેવામાં આવ્યું કે તે રશિયન સરકાર સાથે એક વર્ષ માટે 1 લાખ રૂપિયા પ્રતિ મહિનાના પગાર પર કામ કરવાનો કરાર છે. એ દિવસ પછી અમને આર્મી કેમ્પમાં લઈ જવામાં આવ્યા અને અમારી તાલીમના ભાગ રૂપે AK17 અને AK74 રાઈફલ્સ ચલાવવાનું શીખવા માટે કહેવામાં આવ્યું. જો કોઈએ વિરોધ કરવાની હિંમત કરી, તો અધિકારીઓએ અમારી જમણી અને ડાબી બાજુ પગ બાજુ ગોળીબાર કરવાનું કહ્યું. લગભગ 25 દિવસની તાલીમ પછી અમને રશિયન સરહદ પર લઈ જવામાં આવ્યા હતા.

સુફિયાને કહ્યું કે દરરોજ જીવવા માટે સતત સંઘર્ષ થતો હતો. ફેબ્રુઆરીમાં 23 રશિયન સૈનિકો સાથે ડ્રોન હુમલામાં ગુજરાતના યુવક હેમિલ માંગુકિયાનનું મોત થયા બાદ કેટલાક યુવાનોએ ફ્રન્ટલાઈન પર કામ કરવાની ના પાડી દીધી હતી. સજા તરીકે ત્યાંના પ્રભારી અધિકારીએ અમને ખાઈ ખોદવાની ફરજ પાડી અને અમને ખોરાક વિના માત્ર બે બોટલ પાણી ઠંડા તાપમાનમાં રાત વિતાવવાની ફરજ પાડી હતી. તેણે કહ્યું હતું કે, જેમ જેમ યુદ્ધ આગળ વધતું ગયું તેમ તેમ હું અને ગુલબર્ગાના ત્રણ યુવાનોએ દરરોજ વિરોધ કર્યો. સૈનિકો અને અધિકારીઓને કહેતા કે અમે તેમના યુદ્ધ મોરચે મરવા માટે સાઇન અપ કર્યું નથી. અમે ખાઈ ખોદી રહ્યા હતા અને તેઓ બંદૂકો ફરીથી લોડ કરી રહ્યા હતા અને ગ્રેનેડ ફેંકી રહ્યા હતા.

સુફિયાને કહ્યું કે તેને દર મહિને 1 લાખ રૂપિયાનો પગાર આપવાનું વચન આપવામાં આવ્યું હતું. આ પગારના પૈસા હપ્તામાં મળ્યા. ગરમી માટે જનરેટર, ખોરાક અને સૂવા માટે ખાઈમાં જગ્યા ભાડે આપવા માટે પૈસા ખર્ચવામાં આવ્યા હતા. જ્યારે અમે ભારત પાછા જવા માટે મોસ્કો પાછા ફર્યા ત્યારે સૈન્ય અધિકારીઓએ ભારતીય બેંક ખાતાના નંબરો લીધા અને અમને બાકી પગાર જમા કરવાનું વચન આપ્યું.

ગુલબર્ગાના મોહમ્મદ ઇલ્યાસ સઈદ હુસૈની, મોહમ્મદ સમીર અહેમદ અને નઈમ અહેમદ પણ ગઈકાલ બપોરે સુફિયાન સાથે હૈદરાબાદ એરપોર્ટ પર ઉતર્યા હતા અને તેમના પરિવારોએ તેમનું સ્વાગત કર્યું હતું. સ્વદેશ પરત ફરેલા અન્ય બે ભારતીયોમાં કાશ્મીરનો એક યુવક અને કોલકાતાનો એક યુવક સામેલ છે.