IPLની 28મી મેચમાં રોયલ ચેલેન્જર્સ બેંગ્લોરે રાજસ્થાન રોયલ્સને 9 વિકેટે હરાવ્યું. જયપુરના સવાઈ માનસિંહ સ્ટેડિયમમાં બેંગ્લોરે બોલિંગ પસંદ કરી હતી. રાજસ્થાને 4 વિકેટ ગુમાવીને 173 રન બનાવ્યા હતા. બેંગ્લોરે 1 વિકેટના નુકસાન પર 18મી ઓવરમાં ટાર્ગેટ હાંસલ કરી લીધો હતો.

RCB તરફથી વિરાટ કોહલીએ પોતાની T20 કારકિર્દીની 100મી ફિફ્ટી ફટકારી હતી. તેણે 62 રન બનાવ્યા હતા. ફિલ સોલ્ટે 33 બોલમાં 65 રન બનાવ્યા હતા. દેવદત્ત પડ્ડિકલ 40 રન બનાવીને નોટઆઉટ રહ્યો હતો. રાજસ્થાન તરફથી યશસ્વી જયસ્વાલે 75 રનની ઈનિંગ રમી હતી.

બેંગ્લોરની ચોથી જીત

IPLની 18મી સીઝનમાં RCBએ 6 મેચોમાં ચોથી જીત નોંધાવી હતી. ટીમની ચારેય જીત હોમ ગ્રાઉન્ડ બહાર મળી હતી. જ્યારે બંને હાર હોમગ્રાઉન્ડ પર મળી હતી. બીજી તરફ રાજસ્થાનની 6 મેચોમાં ચોથી હાર રહી હતી. ટીમે માત્ર 2 મેચ જીતી છે.

IPL 2025 ની 28મી લીગ મેચ રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે જયપુરના સવાઈ માનસિંહ સ્ટેડિયમ ખાતે રમાઈ હતી. આ મેચમાં ટોસ જીત્યા બાદ RCB ટીમે પ્રથમ બોલિંગ કરવાનો નિર્ણય લીધો. રાજસ્થાને પ્રથમ બેટિંગ કરતા 20 ઓવરમાં 4 વિકેટ ગુમાવીને 173 રન બનાવ્યા હતા. જેમાં યશસ્વી જયસ્વાલે 75 રનની શાનદાર ઇનિંગ રમી, આ ઉપરાંત ધ્રુવ જુરેલે અણનમ 35 રન બનાવ્યા જ્યારે રિયાન પરાગે 30 રનની ઇનિંગ રમી. RCB તરફથી બોલિંગ કરતી વખતે ભુવનેશ્વર કુમાર, જોશ હેઝલવુડ, યશ દયાલ અને કૃણાલ પંડ્યાએ 1-1 વિકેટ લીધી. આરસીબીએ 17.3 ઓવરમાં માત્ર એક વિકેટ ગુમાવીને 174 રનના લક્ષ્યનો પીછો કર્યો. RCB માટે ફિલ સોલ્ટે 65 રનની ઇનિંગ રમી હતી, જ્યારે વિરાટ કોહલીએ 62 રનની અણનમ ઇનિંગ રમી હતી, આ ઉપરાંત દેવદત્ત પડિકલે 40 રનની અણનમ ઇનિંગ રમી હતી.