રાજસ્થાન રોયલ્સે શનિવારે તેમના હોમ ગ્રાઉન્ડ મોહાલીમાં IPLની 26 નંબરની મેચમાં પંજાબ કિંગ્સને 3 વિકેટે હરાવ્યું હતું. આ જીત બાદ રાજસ્થાનની ટીમ પોઈન્ટ ટેબલમાં હજુ પણ ટોપ પર છે. ટીમનું અત્યાર સુધીનું પ્રદર્શન શાનદાર રહ્યું છે.

ઇન્ડિયન પ્રીમિયર લીગની પ્રથમ સિઝનની ચેમ્પિયન ટીમ રાજસ્થાન રોયલ્સે 2024ની સિઝનમાં પણ તેનું શાનદાર ફોર્મ જારી રાખ્યું છે. શનિવારે રાજસ્થાને પંજાબ કિંગ્સ સામે 3 વિકેટે શાનદાર જીત નોંધાવી હતી. પંજાબનો નિયમિત કેપ્ટન શિખર ધવન આજે રમી રહ્યો ન હતો. તેના સ્થાને સેમ કુરને ટીમનું સુકાન સંભાળ્યું હતું.

ટોસ હારીને પ્રથમ બેટિંગ કરવા ઉતરેલી પંજાબની ટીમ 150ના આંકને પણ સ્પર્શી શકી ન હતી. પોતાના હોમ ગ્રાઉન્ડ પર રમતા પંજાબની ટીમ 20 ઓવરમાં 8 વિકેટના નુકસાન પર 147 રન જ બનાવી શકી હતી. તેના જવાબમાં સંજુ સેમસનની આગેવાની હેઠળની રાજસ્થાન રોયલ્સે વિકેટ પડતી સામે લડત આપી હતી અને છેલ્લી ઓવરમાં 3 વિકેટે જીત મેળવી હતી.