પેરિસ ઓલિમ્પિકમાં બ્રોન્ઝ મેડલ મેચમાં આજે ભારતનો મુકાબલો સ્પેન સામે છે. મેચ ભારતીય સમય અનુસાર સાંજે 5.30 વાગ્યાથી શરૂ થઈ ગઈ છે. સેમીફાઈનલમાં ભારતને જર્મની સામે હારનો સામનો કરવો પડ્યો હતો. તમને જણાવી દઈએ કે ટોક્યો ઓલિમ્પિકમાં ભારતે બ્રોન્ઝ મેડલ જીત્યો હતો.

મેન્સ હોકી ટીમ ગુરુવારે પેરિસ ઓલિમ્પિક 2024માં ભારત અને સ્પેન વચ્ચે બ્રોન્ઝ મેડલ મેચ રમી રહી છે.

ભારતીય ટીમ ઓલિમ્પિકમાં સતત બીજી વખત બ્રોન્ઝ મેડલ જીતવાનો પ્રયાસ કરશે. સેમીફાઈનલમાં જર્મનીએ ભારતને 3-2થી હરાવ્યું હતું. ભારત ટોક્યો ઓલિમ્પિકના કમાલનું પુનરાવર્તન કરવા માંગે છે.

ભારત પેનલ્ટી ચૂક્યું

ભારતે 35મી મિનિટે પેનલ્ટી કોર્નર મેળવ્યો હતો, પરંતુ ગોલ થઈ શક્યો નહોતો. જોકે, અભિષેકને ગ્રીન કાર્ડ મળી ગયું અને તેને મેદાન છોડવું પડ્યું.

ભારતે બીજો ગોલ કર્યો

ભારતે 33મી મિનિટે પેનલ્ટી કોર્નર મેળવ્યો હતો અને કેપ્ટન હરમનપ્રીત સિંહે કોઈપણ ભૂલ વગર ગોલ કર્યો હતો. ભારતે 2-1ની લીડ મેળવી લીધી છે.