સંસદમાં ધક્કો મારવાની ઘટનાને લઈને વિવાદ વધ્યો છે. આ દરમિયાન ભાજપે લોકસભામાં વિપક્ષના નેતા રાહુલ ગાંધી પર મહિલા સાંસદને ધક્કો મારવાનો આરોપ લગાવ્યો છે, જેના કારણે તે ડરી ગઈ અને અસ્વસ્થ થઈ ગઈ. રાજ્યસભાના અધ્યક્ષ જગદીપ ધનખરે સ્વીકાર્યું છે કે તેમને મહિલા સાંસદ તરફથી ફરિયાદ મળી છે. મહિલા સાંસદ રડતી તેમની પાસે આવી.

વાસ્તવમાં, નાગાલેન્ડના સાંસદ ફાંગનોન કોન્યાકે પોતાના પર હુમલાનો આરોપ લગાવ્યો છે. આ મામલે રાજ્યસભાના અધ્યક્ષ જગદીપ ધનખડનું નિવેદન આવ્યું છે. તેણે કહ્યું, મહિલા સાંસદ રડતી મારી પાસે આવી હતી. મારી પાસે માહિતી છે. તેમણે મને લેખિત ફરિયાદ કરી છે. સાંસદ મને મળ્યા છે. હું આની ચર્ચા કરી રહ્યો છું. તે ભારે આઘાતમાં હતી. હું આ બાબત પર ધ્યાન આપી રહ્યો છુ.

આ પહેલા બીજેપી અધ્યક્ષ જેપી નડ્ડાએ કહ્યું કે, કોંગ્રેસ પાગલ થઈ ગઈ છે.અમારા બે સાંસદો ઘાયલ થયા છે. નાગાલેન્ડ ભાજપના મહિલા સાંસદ ફાંગનોન કોન્યાકને રાહુલ ગાંધીએ ધક્કો માર્યો હતો.

'રાહુલ ગાંધી નજીક આવ્યા અને ઊભા રહ્યા...'

નાગાલેન્ડના બીજેપી સાંસદ ફાંગનોન કોન્યાક પણ આગળ આવ્યા છે. તેમણે કહ્યું, હું રાજ્યસભાના અધ્યક્ષને મળી હતી. મેં મારી સુરક્ષાની માંગણી કરી છે. મારું હૃદય અત્યારે ખૂબ જ ભારે છે. આજે હું બહાર શાંતિપૂર્વક વિરોધ કરી રહી હતી ત્યારે રાહુલ ગાંધી એકદમ નજીક આવીને ઉભા રહ્યા. હું અસ્વસ્થ બનીગઈ હતી. રાહુલ ગાંધી મારા પર બૂમો પાડવા લાગ્યા. મહિલા સાંસદ પર આ રીતે બૂમો પાડવી રાહુલ ગાંધીને શોભતું નથી. હું ખૂબ જ દુઃખી છું અને મને રક્ષણ જોઈએ છે. હું અનુસૂચિત જનજાતિ વર્ગની છું અને મને રાહુલનું આ વર્તન પસંદ નહોતું.

મહિલા સાંસદે પત્રમાં શું કહ્યું...

મહિલા સાંસદ કોન્યાકે ફરિયાદ પત્રમાં જણાવ્યું હતું કે, હું મારા હાથમાં પ્લેકાર્ડ લઈને મકર દ્વાર (સંસદ)ની સીડી નીચે ઉભી હતી. સુરક્ષા જવાનોએ પ્રવેશ દ્વાર સુધી અન્ય પક્ષોના સાંસદો માટે રસ્તો તૈયાર કર્યો હતો. અચાનક વિપક્ષના નેતા રાહુલ ગાંધીજી અન્ય પાર્ટીના સાંસદો સાથે મારી સામે આવ્યા, તેમ છતાં તેમના માટે રસ્તો બનાવવામાં આવ્યો હતો. તેમણે (રાહુલ ગાંધી) જોરથી બૂમો પાડવાનું શરૂ કર્યું. તેઓ મારી એટલી નજીક આવ્યા કે હું સંપૂર્ણપણે અસહજ બની ગઈ અને એક મહિલા સભ્ય હોવાના કારણે મને ખૂબ જ અસ્વસ્થતા અનુભવાઈ. કોન્યાકે ફરિયાદમાં વધુમાં જણાવ્યું હતું કે ભારે હૃદયથી તેણીએ તેના લોકતાંત્રિક અધિકારોથી પીછેહઠ કરી હતી અને એક બાજુ ખસી ગઈ હતી, પરંતુ મને લાગ્યું કે સંસદના કોઈપણ સભ્યએ આવું વર્તન ન કરવું જોઈએ.