અંટાળાના પાટિયા પાસે કારે બાઇકને ઠોકરે લેતા બાઇક ચાલક યુવાન અને તેની પાછળ બેઠલ તેની પત્ની અને છ વર્ષના પુત્રને ઇજા પહોંચતા ત્રણેયને સારવાર માટે સરકારી હોસ્પિટલ ખસેડવામાં આવ્યા હતાં.અહીં સારવાર કારગત નીવડે તે પૂર્વે યુવાનનું મોત થયું હતું.આ અંગે પોલીસે જરૂરી કાર્યવાહી કરી હતી.અકસ્માતના આ બનાવની જાણવા મળતી વિગતો મુજબ,સાંજના સમયે અંટળા ગામના પાટિયા પાસે કારે બાઇકને ઠોકરે લેતા બાઇક ચાલક યુવાન કિશન સુલેસીંગ વાસકેલ(ઉ.વ ૩૪) બાઇકમાં પાછળ બેઠેલી તેની પત્ની સંગીતા(ઉ.વ ૩૫) અને તેના પુત્ર પંકજ(ઉ.વ ૬) ને ઇજા પહોંચતા ત્રણેયને સારવાર માટે રાજકોટ સરકારી હોસ્પિટલ ખસેડવામાં આવ્યા હતાં.અહીં સારવાર કારગત નીવડે તે પૂર્વે કિશને દમ તોડી દીધો હતો.બનવાને પગલે હોસ્પિટલ ચોકીના સ્ટાફે જરૂરી કાર્યવાહી કરી હતી.
​​​​​​​
અકસ્માતના આ બનાવની વધુમાં જાણવા મળતી વિગતો મુજબ,અકસ્માતમાં મોતને ભેટનાર યુવાન મોરબીમાં લજાઇ પાસે આવેલી રમેશભાઇની વાડીએ ખેતમજુરીનું કામ કરતો હતો.યુવાન પત્ની અને પુત્ર સાથે બાઇક પર ટંકાર જતો હતો દરમિયાન અકસ્માતની આ ઘટના બની હતી.
આ અંગે પોલીસે અકસ્માત સર્જનાર કાર ચાલક સામે ગુનો નોંધી તેને શોધી કાઢવા તપાસ હાથ ધરી છે.