સુરતના ઓલપાડમાં રોજે રોજના ઘર કંકાસથી કંટાળીને પતિએ પત્નીને કુહાડીના ઘા મારી પતાવી નાખતા પરિવારનો માળો વિખેરાઈ ગયો છે. ઓલપાડ ખાતે રહેતા ધનસુખભાઈ કેશવભાઈ રાઠોડે ઘરમાં રોજ થઈ રહેલ કજિયાથી કંટાળી પોતાની પત્ની લક્ષ્મી રાઠોડની હત્યા કરી દીધી હતી.

પત્નીને માથામાં કુહાડીના ઘા મારી મોતને ઘાટ ઉતારી દીધી હતી. હત્યા કરી પતિ ધનસુખ ભાગી ગયો અને ગામની સીમમાં જઈ ઝેરી દવા પી ઊંચી પાણીની ટાંકી પરથી કૂદી આપઘાત કરી લીધો હતો. મર્ડર અને આપઘાતની ઘટનાને લઈને ઓલપાડ પોલીસ દોડતી થઈ છે. ઓલપાડ પોલીસે હાલ આગળની કાર્યવાહી હાથ ધરી છે.