ગઈકાલે અમેરિકામાં ત્રાટકેલા હરિકેન હેલેનએ તબાહી મચાવી દીધી હતી. હેલને અમેરિકાના ૧૨ રાયોને ઘેરી લીધા અને ૬ રાયોમાં ઈમરજન્સી લાદવી પડી. તોફાનના કારણે ઓછામાં ઓછા ૪૩ લોકોના મોત થયા છે અને મોટી સંખ્યામાં લોકો ઘાયલ થયા છે. હેલેન વાવાઝોડાએ ઓછામાં ઓછા ૩૫ લાખ પરિવારોના ૧.૨૦ કરોડ લોકોને અસર કરી છે.
વાવાઝોડા દરમિયાન પૂરના કારણે લોકોને તેમના ઘર સુધી હોડીઓ ગોઠવવાની ફરજ પડી હતી. એક અનુમાન મુજબ આગામી દિવસોમાં આ તોફાનથી ૫ કરોડથી વધુ લોકો પ્રભાવિત થઈ શકે છે. રોઇટર્સે અહેવાલ આપ્યો છે કે વાવાઝોડાને કારણે ઘણા વિસ્તારો પાણીમાં ડૂબી ગયા છે. આ સમયગાળા દરમિયાન, ભૂસ્ખલન થયું હતું અને ડેમ જોખમમાં હતા. ૩.૫ મિલિયનથી વધુ ઘરો અને વ્યવસાયોમાં વિજળી ગૂલ થઇ ગઈ હતી.
હેલેને ગુવારે રાત્રે લોરિડાના બિગ બેન્ડ વિસ્તારમાં શકિતશાળી કેટેગરી ૪ વાવાઝોડા તરીકે લેન્ડફોલ કયુ હતું. આ દરમિયાન ૨૨૫ કિલોમીટર પ્રતિ કલાકની ઝડપે પવન ફંકાયો હતો. નેશનલ હરિકેન સેન્ટરે જણાવ્યું હતું કે ગઈકાલે બપોર સુધીમાં તોફાનનું સ્તર ૫૫ કિલોમીટર પ્રતિ કલાકની મહત્તમ ઝડપ સાથે ઉષ્ણકટિબંધીય ડિપ્રેશનમાં આવી ગયું હતું. પરંતુ હેલેનનો ભારે વરસાદ હજુ પણ ઘણા વિસ્તારોમાં વિનાશક પૂરનું કારણ બની રહ્યો છે. પોલીસ અને ફાયર બ્રિગેડના લોકો અસરગ્રસ્ત રાયોમાં લોકોને બચાવવા માટે કામ કરી રહ્યા છે.
યુનિકોઈ કાઉન્ટી ઈમરજન્સી મેનેજમેન્ટ એજન્સીએ સોશિયલ મીડિયા પર જણાવ્યું હતું કે નોલીચુકી નદીમાં પાણી વધવાને કારણે એમ્બ્યુલન્સ અને ઈમરજન્સી વાહનો દર્દીઓ અને અન્ય લોકોને બહાર કાઢવામાં અસમર્થ હતા. ઈમરજન્સી ટીમ બોટ અને હેલિકોપ્ટરમાં બચાવ કામગીરી કરી રહી છે. ટેનેસીમાં અન્યત્ર, કોક કાઉન્ટીના મેયર રોબ મેથિસે નજીકના ડેમ તૂટવાની સંભાવનાને કારણે ન્યુપોર્ટ શહેરને ખાલી કરવાનો આદેશ આપ્યો હતો.

ભૂસ્ખલનને કારણે હાઇવે બંધ
પશ્ચિમ ઉત્તર કેરોલિનામાં રૂધરફોર્ડ કાઉન્ટીના અધિકારીઓએ લેક લ્યુર ડેમની નજીકના રહેવાસીઓને તાત્કાલિક ઉચ્ચ સ્થાનો પર જવાની ચેતવણી આપતા કહ્યું કે ડેમ તૂટી જવાની સંભાવના છે. હાલ આ ડેમ તૂટ્યો નથી. નજીકના બનકોમ્બે કાઉન્ટીમાં ભૂસ્ખલનને કારણે આંતરરાજ્ય હાઇવે 40 અને 26 બંધ કરવામાં આવ્યા છે.

1000 ફ્લાઈટ્સ રદ કરવામાં આવી
રોયટર્સના અહેવાલ મુજબ હરિકેન હેલેનના કારણે અમેરિકાના ફ્લોરિડા, જ્યોર્જિયા, નોર્થ કેરોલિના, સાઉથ કેરોલિના, વર્જિનિયા અને અલાબામામાં ઈમરજન્સી જાહેર કરવામાં આવી છે. આ રાજ્યોમાં ઓછામાં ઓછી 1000 ફ્લાઈટ્સ રદ કરવામાં આવી છે. આ સાથે લગભગ 4 હજાર ફ્લાઈટ્સ પ્રભાવિત થઈ છે. ચક્રવાત હેલેન ગઈકાલે સવારે ફ્લોરિડાના દરિયાકાંઠે અથડાયું, ત્યારબાદ તે 225 કિલોમીટર પ્રતિ કલાકની ઝડપે આગળ વધ્યું.