જાપાનના વૈજ્ઞાનિકોએ પ્રથમ વખત જીવંત માનવ ત્વચામાંથી હસતો ચહેરો બનાવ્યો છે, જેને હ્યુમનનોઇડ રોબોટ સાથે જોડી શકાય છે. આ ચહેરાની મદદથી રોબોટ માત્ર માણસોની જેમ હસતા જ નહીં, ચહેરા પર હાવભાવ પણ જોવા મળશે. ટોક્યો યુનિવર્સિટીના વૈજ્ઞાનિકોએ પ્રયોગશાળામાં જીવંત પેશીઓ અને માનવ ત્વચાના કોષોનું મિશ્રણ કરીને તેની ત્વચા બનાવી છે. આ ત્વચા વાસ્તવિક ત્વચા જેટલી નરમ હોય છે. વૈજ્ઞાનિકોએ કોલેજન અને ઈલાસ્ટિનના નાના તંતુઓની મદદથી ત્વચાને મજબૂત બનાવી.
રોબોટમાં આર્ટિફિશિયલ સ્કિન લગાવતા પહેલા તેમાં નાના છિદ્રો બનાવવામાં આવ્યા હતા અને તેના પર કોલેજન જેલ લગાવવામાં આવી હતી. તે વાસ્તવિક ત્વચાની જેમ એટલી લવચીક છે કે રોબોટ ફરે ત્યારે પણ તે ફાટે નહીં. આ અભ્યાસ જર્નલ સેલ રિપોટ્ર્સ ફિઝિકલ સાયન્સમાં પ્રકાશિત થયો છે. મુખ્ય સંશોધક પ્રોફેસર શોજી ટેકયુચી કહે છે કે આ સંશોધન ત્વચા વૃદ્ધત્વ, સૌંદર્ય પ્રસાધનો અને પ્લાસ્ટિક સર્જરી જેવી સર્જિકલ પ્રક્રિયાઓ પર સંશોધનમાં મદદરૂપ થઈ શકે છે. જોકે, સંશોધકોનું કહેવું છે કે તેનો કોમર્શિયલ ઉપયોગ કરી શકાય તે પહેલા ઘણા ટેસ્ટ થશે.