દેશના કેટલાક રાજ્યોમાં ઓનલાઈન દારૂની ડિલિવરીને મંજૂરી આપવા માટે વિચારણા ચાલી રહી છે, જેમાં દિલ્હી, કર્નાટક , હરિયાણા, પંજાબ, તમિલનાડુ, ગોવા અને કેરળનો સમાવેશ થાય છે. સ્વિગી, ઝોમેટો અને બિગબાસ્કેટ જેવા પ્લેટફોર્મ્સ દ્વારા ઓનલાઈન દારૂની ડિલિવરીને મંજૂરી આપવા માટે પાયલોટ પ્રોજેક્ટ પર તંત્ર હાલ કામ કરી રહ્યું છે. એક અહેવાલ મુજબ, રાજ્ય સત્તાવાળાઓ ઈકોમર્સ પ્લેટફોર્મ અને સ્પિરિટ ઉત્પાદકો પાસેથી ઓનલાઈન ડિલિવરીના ફાયદા અને ગેરફાયદા પર ટિપ્પણીઓ લઈ રહ્યા છે.

અહેવાલ મુજબ, શરૂઆતમાં ફોકસ લો-આલ્કોહોલ ડિં્રક્સ જેમ કે બીયર, વાઇન અને લિકર પર રહેશે. આ પગલું કસ્ટમર્સની પસંદગીના બની શકે છે, ખાસ કરીને યુવા વસ્તી વિષયક, સ્થળાંતર કરનારાઓ અને મહિલાઓ કે જેમને દારૂની દુકાનો અસુવિધાજનક લાગે છે. ઓનલાઈન પ્લેટફોર્મ એવી દલીલ કરે છે કે તેઓ વયની ચકાસણી સુનિશ્ચિત કરી શકે છે, વેચાણને ટ્રેક કરી શકે છે અને નિયમનકારી નિયંત્રણોનું પાલન કરી શકે છે. ઓનલાઈન મોડલ્સ એન્ડ-ટુ-એન્ડ ટ્રાન્ઝેક્શન રેકોડ્ર્સ, એજ ટેસ્ટિંગ અને મયર્દિાઓનું પાલન સુનિશ્ચિત કરે છે. વધુમાં, ઓનલાઈન ટેક્નોલોજી સ્ટેક નિયમનકારી અને આબકારી જરૂરિયાતો સાથે સુમેળમાં છે.

જ્યારે ઓડિશા અને પશ્ચિમ બંગાળ જેવા રાજ્યો પહેલાથી જ દારૂની હોમ ડિલિવરીની પરવાનગી આપે છે, અન્ય રાજ્યોએ રાજકીય વિરોધ અને પરંપરાગત દારૂના છૂટક વિક્રેતાઓ પર અસર અંગે ચિંતાનો સામનો કરવો પડ્યો છે. જો કે, ટેક્સની આવકમાં વધારો થવાની સંભાવના અને કસ્ટમર્સની સગવડતા આ નવી પહેલોને આગળ ધપાવી રહી છે.

મહારાષ્ટ્ર, ઝારખંડ, છત્તીસગઢ અને આસામમાં કોવિડ-19 લોકડાઉન દરમિયાન પ્રતિબંધો સાથે અસ્થાયીરૂપે ડિલિવરીની મંજૂરી આપવામાં આવી હતી. જો કે, હવે આ રાજ્યોમાં કાયદેસર ડિલિવરીની મંજૂરી નથી, તેમ છતાં ખાસ કરીને મહારાષ્ટ્રમાં કેટલાક સ્થાનિક ઓનલાઈન પ્લેટફોર્મ ડિલિવરી કરવાનું ચાલુ રાખી છે. આલ્કોહોલ ઉદ્યોગ, ખાસ કરીને બીયર અને વાઇન ઉત્પાદકો, ગ્રાહકો માટે વધેલા વેચાણ અને સગવડને ટાંકીને હોમ ડિલિવરીને ટેકો આપે છે. જેમ જેમ ભારતનું આલ્કોહોલ માર્કેટ વિકસિત થાય છે તેમ, આ પાઇલોટ પ્રોજેક્ટ્સના પરિણામો દેશમાં દારૂના છૂટક વેચાણના ભાવિને આકાર આપશે.