હોલીવુડ અભિનેતા જ્યોર્જ ક્લુની સહિતની હોલિવૂડની હસ્તીઓ યુએસ પ્રમુખ જો બાઈડેનને ચૂંટણીની રેસમાંથી ખસી જવા સૂચવ્યું હતું. તેમણે દલીલ કરી હતી કે રાષ્ટ્રપતિ ફરીથી ચૂંટણી લડવા માટે ખૂબ વૃદ્ધ છે. ક્લુની ડેમોક્રેટિક પાર્ટી માટે સૌથી વધુ પ્રભાવશાળી ભંડોળ ઊભુ કરનારાઓમાંના એક છે.
ક્લુનીએ એક લેખમાં જણાવ્યું હતું કે એક લડાઈ તે (જો બાઈડેન) જીતી શકતા નથી તે છે સમય સામેની લડાઈ. લેખમાં તેણે કહ્યું કે બાઈડેન હવે તે નથી જે તે 2020 માં હતા. તે એ જ માણસ છે જેને આપણે બધાએ એટલાન્ટા, જ્યોર્જિયામાં સીએનએનના સ્ટુડિયોમાં   ડીબેટમાં જોયા હતા. ગયા મહિને, ક્લુનીએ બાઈડેન માટે રૂ. 2.8 કરોડનું હોલીવુડ ફંડ એકઠું કર્યું હતું. બાઈડેનના ચૂંટણી અભિયાને તેને ડેમોક્રેટિક ઉમેદવાર માટે ચલાવવામાં આવેલ અત્યાર સુધીનું સૌથી મોટું અભિયાન ગણાવ્યું હતું.

ક્લુનીનો લેખ યુએસ હાઉસ ઓફ રિપ્રેઝન્ટેટિવ્સના ભૂતપૂર્વ સ્પીકર નેન્સી પેલોસી સાથેના ઇન્ટરવ્યુના થોડા કલાકો પછી આવ્યો હતો. પેલોસીએ ઇન્ટરવ્યુમાં કહ્યું હતું કે તે રાષ્ટ્રપતિ પર નિર્ભર છે કે તે ચૂંટણીની રેસમાં આગળ વધે છે કે નહીં. તેમના નિવેદને ડેમોક્રેટિક પાર્ટીમાં બાઈડેન વિશે ચાલી રહેલી ચચર્મિાં આગમાં બળતણ ઉમેર્યું છે.

પક્ષની અંદર વધતી ચિંતાઓ વચ્ચે, પ્રમુખ બિડેન અને તેમના ટોચના સહાયકો કહે છે કે તેઓ વ્હાઇટ હાઉસની રેસમાં રહેશે. અગાઉ સોમવારે, બિડેને ટોચના દાતાઓને ખાતરી આપી હતી કે તે ચર્ચા વિવાદ પર વધુ બોલશે નહીં. જો કે, તેણે મંગળવારે રાત્રે ડેમોક્રેટિક પાર્ટીના મેયરો સાથેના વિડીયો કોલ દરમિયાન તેનો ફરીથી ઉલ્લેખ કર્યો.

ક્લૂનીએ લખ્યું, અમે આ રાષ્ટ્રપતિ (બાઈડેન) સાથે નવેમ્બરમાં ચૂંટણી જીતવાના નથી. અમે સેનેટ ગુમાવી રહ્યા છીએ. આ માત્ર મારો અભિપ્રાય નથી, પરંતુ દરેક સેનેટર, કોંગ્રેસમેન અને ગવર્નરનો અભિપ્રાય છે જેની સાથે મેં વ્યક્તિગત રીતે વાત કરી છે.