જામનગરમાં તા.૦૩/૦૨/૨૦૨૨૨ના રોજ જામનગર સિટી-એ ડીવીઝનમાં પોલીસ સ્ટેશનમાં ધી સીકયુરીટી કોન્ટ્રાકટ (રેગ્યુલેશન) એકટ ૧૯૫૬ ની કલમ ૧૯, ૨૩(૧)બી, સી.ડી.ઈ.એફ.જી.એચ.આઈ. હેઠળ ગેરકાયદેસર રીતે સ્ટોક એકસચેન્જ ઉભુ કરી એક મકાનમાં સીકયુરીટીઝનો શેર બજારનો ભાવ ઉપર હારજીત અંગે વેપાર કરી, સ્ટોક એકસચેન્જ સીકયુરીટી કરારનુ આયોજન કરી ચલાવી સરકારીશ તરફથી અધિકૃત લાયસન્સ ન હોય  ડબ્બા ટ્રેડીંગ ચલાવી તે લગતનો ગુન્હો નોંધી જામનગરના વેપારી સુધીર લીલાધર પંચમતીયા વિગેરે વિરૂધ્ધનો ગુન્હો નોંધી જામનગર સેસન્સ કોર્ટેમાં ચાર્જશીટ ફાઈલ કરવામાં આવેલ.

સદર ગુન્હામાં ચાર્જશીટ નોંધાયા બાદ ગુન્હામાં સંડોવાયેલ સુધીરભાઈ પંચતીયા દ્વારા ગુજરાત હાઈકોટૅમાં સદરહુ ફરીયાદ કવોસીંગ કરાવવા હાઈકોર્ટના વકીલ પ્રેમલ એસ.રાચ્છ મારફતે પીટીશન દાખલ કરેલ અને સાથેસાથે ઈન્ટ્રીમ સ્ટેજે સદરહુ પીટીશનમાં સેસન્સ કોર્ટેના પ્રોસીડીંગ સ્ટે કરવા માંગણી કરેલ અને સદરહુ અરજીમાં લેન્ડમાર્કે ચુકાદાઓ રજુ કરી અને ધારદાર દલીલો કરેલ અને ગુજરાત હાઈકોટૅ દ્વારા વકીલની દલીલો ગ્રાહય રાખી સેસન્સ કોર્ટેના પ્રોસીડીંગ્સ સ્ટે કરવાનો હુકમ ઈન્ટ્રીમ સ્ટેજે કરેલ છે.

સદરહુ ઘી સીકયુરીટી કોન્ટ્રાકટ (રેગ્યુલેશન) એકટ ૧૯૫૬ ના ગુનાના હોમતદાર સુધીરભાઈ પંચમતીયા વતી જામનગર સેસન્સ અદાલતમાં વકીલ વિરલ એસ.રાચ્છ, સોહીલ બેલીમ તથા હર્ષીલ રાબડીયા, વાશ્વી શેઠ અને ગુજરાત હાઈકોટૅમાં વકીલ પ્રેમલ એસ.રાચ્છ રોકાયા છે.