રાયમાં હેલમેટના મામલે હાઈકોર્ટે આકરૂ વલણ દાખવતા રાયભરમાં પોલીસ સહિતની એજન્સીઓ હેલમેટ ફરજીયાત કરવા માટે ઘર સે આરંભની જેમ સરકારી કચેરીઓમાં બે દિવસથી સવારે પડયે જ ઉતરી પડે છે. આજે બીજા દિવસે રાજકોટમાં કલેકટર કચેરીથી લઈ અન્ય વિભાગોમાં પોલીસે ચેકીંગ હાથ ધરી ઉઘાડા માથે આવેલા અનેક કર્મચારીઓ અને અરજદારોને દંડયા હતા. અત્યારે સરકારી કચેરીઓમાં અમલ બાદ આગામી સમયમાં સીએમ (કોમન મેન)ને પણ હેલમેટ પહેરવી ફરજીયાત બની રહેશે.
આજે કલેકટર કચેરીમાં કર્મચારીઓને સવારે ૧૦.૩૦ વાગ્યે આવવાનો સમય હોય એ પહેલા જ કચેરીના મુખ્ય દરવાજે પોલીસ કાફલો ગોઠવાઈ ગયો હતો. રોજીંદા ક્રમ મુજબ બાઈક પર કર્મચારીઓ આવવા માંડયા હતા અને બહાર ઉભેલા પોલીસ સ્ટાફે જે કર્મચારીઓ ઉઘાડા માથે (હેલમેટ વિનાના હતા) તેઓને અટકાવ્યા હતા. કલેકટર કચેરીએ જ જિલ્લ ાના રાજા કહેવાતા કલેકટરના કર્મચારીઓને પોલીસે અટકાવતા થોડીવાર તો કર્મચારીઓ પણ અચંબીત થયા હતા. પોલીસે ઉઘાડા માથે રહેલા એક ડઝનથી વધુ કર્મચારીઓને હાજર દડં મેમો આપીને જરૂરી કાર્યવાહી કરી હતી.
અન્ય કચેરીઓમાં પણ પોલીસ કમિશનર કચેરીથી લઈ મહાપાલિકા, પોલીસ હેડ કવાર્ટર સહિતના સરકારી વિભાગોની કચેરીએ આજે સવારથી હેલમેટ ડ્રાઈવ કરાઈ હતી. જેમાં અનેક મહિલા કર્મચારીઓ પણ હેલમેટ વિનાના આવી ચડયા હતા અને સવાર સવારમાં પોલીસને હાજર દંડનો ચાંદલો કરવો પડયો હતો