ગરમીનું જોર વધી રહ્યું છે. ગઈકાલથી ગરમીના પારો ઉચકાયો છે. રાજ્યમાં સૌથી ઊંચું તાપમાન ડાંગમાં 37.5 અને મહુવામાં 37.2 ડીગ્રી નોંધાયું છે.
કેશોદ, અમરેલી, રાજકોટ સુરત સહિત રાજ્યના અનેક સેન્ટરો એવા છે કે જ્યાં 36 ડિગ્રી કે તેનાથી વધુ તાપમાન નોંધાયું છે. હવામાન ખાતાના જણાવ્યા મુજબ હવે ગરમીમાં સતત વધારો થતો રહેશે અને તાપમાનનો પારો ત્રણ ડિગ્રી જેટલો ઉચકાશે. રાજકોટમાં 36.6 કેશોદમાં 36.7 સુરતમાં 36.2 અમરેલીમાં 36 ડિગ્રી તાપમાન રહ્યું છે.
આજે લઘુતમ તાપમાનમાં પણ સામાન્યથી બે ડિગ્રી જેટલો વધારો નોંધાયો છે. સવારથી જ ગરમીનો અહેસાસ થાય છે. હવામાન ખાતાના જણાવ્યા મુજબ શુક્રવારથી બે દિવસ માટે બનાસકાંઠા, સાબરકાંઠા, અરવલ્લી મહીસાગર દાહોદ પાટણ દ્વારકા ગીર સોમનાથ અને કચ્છ જિલ્લામાં માવઠાની સંભાવના છે.