રઘુવંશી જ્ઞાતિના કાનાણી પરિવારના ખંભાળિયા ખાતે બિરાજમાન કુળદેવી શ્રી સિંધવી માતાજીના મંદિર ખાતે નવરાત્રિના પાવન પર્વે દરરોજ રાત્રે માતાજીના બેઠા ગરબાનું આયોજન કરવામાં આવી રહ્યું છે. આ સાથે આગામી શુક્રવાર તારીખ 11 ના રોજ આઠમા નોરતે આઠમ નિમિત્તે સવારે 8:30 વાગ્યે માતાજીના હવન બાદ બપોરે 12:35 વાગ્યે હવનનું બીડું હોમવામાં આવશે. ત્યાર બાદ સર્વે કાનાણી પરિવારજનોના સમૂહ પ્રસાદનું પણ આયોજન કરવામાં આવ્યું છે. આ ધાર્મિક કાર્યક્રમોમાં સહભાગી થવા સર્વે કાનાણી પરિવારજનોને આયોજકો દ્વારા અપીલ કરવામાં આવી છે.