સમગ્ર દેશમાં ગુજરાત જીએસટી રિટર્ન ફાઇલ કરવામાં 99% સાથે મોખરે રહ્યું છે તો વર્ષ 2018 19 માં 68% લોકોએ રિટર્ન ફાઇલ કર્યું હતું, એમાં જંગી ઉછાળો આવતા ચાલુ વર્ષે ગુજરાતમાં 99% લોકોએ જીએસટી રિટર્ન ફાઇલ કર્યું હોવાનું સામે આવ્યું છે.
વન નેસન વન ટેક્સ સાથે સાત વર્ષ પૂર્વે સમગ્ર દેશમાં જ વ્યક્તિની અમલવારી શરૂ થઈ હતી જેમાં અનેક વિસંગતતાઓ આજની તારીખે પણ જોવા મળી છે. એની હાલાકી કરદાતાઓને પણ ભોગવી પડી રહે છે તેમ છતાં રિટર્ન ફાઇલ કરવામાં ગુજરાત સમગ્ર દેશમાં અગ્રેસર રહ્યું છે.
જ્યારે જીએસટી નો કાયદો આવ્યો ત્યારે સક્રિય કર દાતાઓની સંખ્યા પાંચ લાખ હતી, બીજા વર્ષે આઠ લાખે પહોંચી હતી ત્યારબાદ દર વર્ષે એક સરખી ગતિથી કરદાતાઓની સંખ્યામાં વધારો થયો હતો પરંતુ આ વખતે એટલે કે છેલ્લા સાત વર્ષોમાં કરદાતાઓની સંખ્યામાં ગુજરાતમાં 135% નો નોંધપાત્ર વધારો જોવા મળ્યો છે. ચાલુ વર્ષે ગુજરાતમાં સક્રિય કરદાતાઓની સંખ્યા 11,97 લાખએ પહોંચી છે.જીએસટી રિટર્ન ફાઇલ કરવામાં ગુજરાત હંમેશા રાષ્ટ્રીય કક્ષાએ મોખરે રહ્યું છે વર્ષ 2018 19 માં ગુજરાતમાંથી 68% લોકોએ રિટર્ન ફાઇલ કર્યો હતો જ્યારે તેમાં આ વર્ષે આ સંખ્યામાં વધારો થયો છે અને 99% લોકોએ રિટર્ન ફાઇલ કર્યું છે જ્યારે દેશમાં ચાલુ વર્ષે 97 ટકા લોકોએ રિટર્ન ફાઇલ કર્યું છે.
જીએસટીની આવકમાં પણ ગુજરાત નું નોંધપાત્ર યોગદાન રહ્યું છે માત્ર કોરોના સમયે 11% જેટલી જીએસટીની આવક ઘટી હતી ત્યારે કોરોના કાળ પૂરો થતાની સાથે જ એટલે કે 2021-22 માં 48% ના વધારા સાથે જીએસટીના કરની આવક 45 હજાર કરોડની નોંધાઈ હતી. જ્યારે ચાલુ વર્ષે 2023 24 માં 64,576 કરોડની આવક રાજ્ય સરકારને તિજોરીમાં જીએસટીની આવક પેટે જમા થઈ છે.