ગુજરાત રાજ્યની જીવાદોરી સમાન સરદાર સરોવર ડેમની જળ સપાટી ખૂબ ઝડપથી વધી રહી છે. હાલ જળાશયની સપાટી 132.60 મીટર પહોંચી ગઈ છે, જળાશયનો કુલ સંગ્રહ 80 ટકા જે ચેતવણી સ્તર છે ત્યાં સુધી પહોંચી ગયો છે. 

મહત્વનું છે કે સમગ્ર પરિસ્થિતિને ધ્યાનમાં લઇ તંત્ર દ્વારા સવારે 9:15 કલાકે ડેમમાંથી 42,943 ક્યુસેક પાણીનો જથ્થો રિવર બેડ પાવર હાઉસ દ્વારા નદીમાં છોડવામાં આવી રહ્યો છે.

દક્ષિણ ગુજરાતમાં અવિરત પડેલા વરસાદે જિલ્લાના અનેક જળાશયોને છલોછલ કરી દીધા છે, ત્યારે રાજ્યની જીવાદોરી ગણતા સરદાર સરોવર ડેમમાં પણ વ્યાપક પ્રમાણમાં નવાનીરની આવક થઈ છે. ઉપરવાસમાં પડી રહેલા વરસાદના પગલે પણ સરદાર સરોવર ડેમની જળસપાટી વધવા લાગી છે.