20 દિવસમાં સવા બે લાખ ગુણી ખરીદાઈ

ખંભાળીયામાં ટેકાના ભાવે મગફળીની ખરીદીનું કેન્દ્ર દેકારો થયા પછી અન્ય શહેરોમાં ચાલુ થયાના આઠ-દશ દિવસ પછી શરૂ થયું હતું. પણ આ કેન્દ્રમાં ભીંડા સેવા સહકારી મંડળી દ્વારા ખાસ આયોજન હાથ ધરીને ખંભાળીયા તાલુકામાં ટેકાના ભાવે મગફળી વેચવા રજિસ્ટ્રેશન કરાયેલા ખેડૂતોને રોજ 150/200ને મેસેજ મોકલીને વિસ જ દિવસમાં સવા બે લાખ ગુણી જેટલી મગફળીની ખરીદી કરી છે. બજારમાં 800થી 1000 રૂપિયા મગફળીના મણના ભાવ સામે અહીં ક્વોલિટીની મગફળીના 1365 રૂપિયા મણના ઉપજે છે આ ખરીદ કેન્દ્ર ખાતે ભીંડા સેવા સહકારી મંડળી દ્વારા ખેડૂતો માટે છાયડો તથા પાણી સહિતની સુંદર વ્યવસ્થા નું આયોજન કરવામાં આવ્યું છે