બહાર સુવા બાબતે પોતાના મંગેતર સાથે મોબાઈલ ફોનમાં ઝઘડો થયા પછી મનમાં લાગી આવતાં ઝેર પી લીધું

જામનગર જિલ્લાના કાલાવડ ટાઉન માં રહેતી ૨૪ વર્ષ ની દેવીપુજક યુવતીએ ઝેરી દવા પી લઈ આત્મહત્યા કરી લીધી છે. પોતાના મંગેતર સાથે બહાર સુવાના મામલે મોબાઈલ ફોનમાં ઝઘડો થયા પછી મનમાં લાગી આવતાં ઝેર પી લઇ મોતની સોડ તાણી લીધી છે. જે મામલે કાલાવડ ટાઉન પોલીસ તપાસ ચલાવે છે.
આ બનાવની વિગત એવી છે કે મૂળ કોટડા સાંગાણી ની વતની અને હાલ કાલાવડમાં કુંભનાથ પરા વિસ્તારમાં રહેતી હેતલબેન ધનાભાઈ વાઘેલા નામની ૨૪ વર્ષીય દેવીપુજક યુવતીએ ગત ૧૦મી તારીખે ઝેરી દવા પી લઇ આત્મહત્યાનો પ્રયાસ કરતાં તેણીને સારવાર માટે જામનગરની જી.જી. હોસ્પિટલમાં દાખલ કરાયા પછી સારવાર દરમિયાન મૃત્યુ નીપજયું છે.
પોલીસમાં જાહેર કરાયા અનુસાર હેતલબેન કે જેની સગાઈ થઈ ગઈ છે, અને તેણીના મંગેતર સાથે બનાવના બે દિવસ પહેલાં રાત્રિના બહાર સુવા બાબતે મોબાઈલ ફોનમાં બોલાચાલી થઈ હતી, તેથી તેણીને મનમાં લાગી આવતાં ઝેર પી લઇ આપઘાત નો પ્રયાસ કર્યો હતો, અને સારવારમાં તેણીએ દમ તોડી દીધો છે.