તહેવારોની  સિઝનમાં દરેક સ્ત્રી ઈચ્છે છે કે તેની ત્વચા ચમકદાર દેખાય. ત્યારે કેટલીક સ્ત્રીઓ મેકઅપની મદદ લે છે. ત્વચા પર રહેલા ડાઘ અને નિસ્તેજ ત્વચા સંપૂર્ણપણે મેકઅપ દ્વારા છુપાવે છે પરંતુ મેકઅપ લાંબો સમય ટકી શકતો નથી. ઘણી વખત મેરીડીયનને કારણે ત્વચા સંબંધિત અનેક પ્રકારની સમસ્યાઓ થઈ શકે છે.

મેકઅપ વગર પણ ગ્લોઈંગ સ્કિન મેળવી શકાય છે. આ માટે હેલ્ધી સ્કિન કેરનું નિયમિતતાથી પાલન કરવું મહત્વપૂર્ણ છે. જાણો નિષ્ણાતો દ્વારા આપવામાં આવેલી કેટલીક પ્રો-ટિપ્સ જેને અનુસરીને મેકઅપ વિના પણ સુંદર ત્વચા મેળવી શકો છો.

ક્લીન્સીંગ કરો

ચહેરાની ત્વચાને ધૂળ અને ગંદકીથી બચાવવી ખૂબ જ જરૂરી છે. પ્રદૂષણ અને વધારાનું તેલ ત્વચાને નિસ્તેજ બનાવી શકે છે. આ માટે ત્વચાને ક્લીન કરો. ત્વચાના પ્રકાર અનુસાર સારા ફેસવોશનો ઉપયોગ કરો. ઓઈલી ત્વચા ધરાવતા લોકો જેલ આધારિત ક્લીંઝરનો ઉપયોગ કરી શકે છે. સંવેદનશીલ ત્વચા ધરાવતા લોકોએ સલ્ફેટ ફ્રી ક્લીંઝરનો ઉપયોગ કરવો જોઈએ.

હાઇડ્રેશન જરૂરી

તેજસ્વી ત્વચા મેળવવા માટે હાઇડ્રેશન ખૂબ જ મહત્વપૂર્ણ છે. ત્વચા પર મોઈશ્ચરાઈઝર લગાવો. આ માટે હાયલ્યુરોનિક એસિડ સાથે મોઇશ્ચરાઇઝર્સ પસંદ કરી શકો છો પરંતુ ત્વચાને માત્ર બહારથી જ નહીં પણ અંદરથી પણ હાઇડ્રેશનની જરૂર હોય છે. આ માટે દરરોજ પુષ્કળ પાણી પીવો.

સનસ્ક્રીન ન ભૂલવું

ત્વચાને સૌથી વધુ નુકસાન સૂર્યના યુવી કિરણોને કારણે થાય છે. ત્યારે ત્વચાને સૂર્યના યુવી કિરણોથી બચાવવા માટે સનસ્ક્રીન લગાવવાનું શરૂ કરો. નિષ્ણાતો કહે છે કે ઓછામાં ઓછા 30 SPF સાથે સનસ્ક્રીનનો ઉપયોગ કરો.

આ પ્રો ટીપ્સ પણ ઉપયોગી થશે

• ત્વચાની હાઇડ્રેશન વધારવા માટે શીટ માસ્કનો ઉપયોગ કરો
  
  
• અઠવાડિયામાં ઓછામાં ઓછા બે વાર ત્વચાને એક્સ્ફોલિએટ કરો
  
  
• સ્કિન કેર રૂટીનમાં પેપ્ટાઇડ ક્રીમ અથવા સીરમનો સમાવેશ કરો
  
  
• સૌથી અગત્યનું  પુષ્કળ ઊંઘ લો અને પાણી પીવો.