છેલ્લા 50 વર્ષમાં વૈશ્વિક વન્યજીવની વસ્તી 73% ઘટી હોવાનો ચોકાવનારો ઘટસ્ફોટ એક અહેવાલમાં કરવામાં આવ્યો છે. એશિયા પેસિફિક કે જેમાં ભારતનો સમાવેશ થાય છે ત્યાં પ્રદૂષણ એ વન્યજીવનની વસ્તી માટે વધારાનો ખતરો છે. આ પ્રદેશમાં સરેરાશ 60% નો ઘટાડો નોંધાયો છે.
લિવિંગ પ્લેનેટ રિપોર્ટ 2024માં જણાવવામાં આવ્યું છે કે, 50 વર્ષમાં વૈશ્વિક વન્યજીવની વસ્તીમાં 73%નો ઘટાડો થયો છે, જે બે વર્ષ પહેલા નોંધાયેલા 69%ના ઘટાડાથી તીવ્ર વધારો થયો છે. વર્લ્ડ વાઇડ ફંડ ફોર નેચરના દ્વિવાર્ષિક અહેવાલમાં જણાવાયું છે કે સૌથી વધુ ઘટાડો તાજા પાણીની ઇકોસિસ્ટમ્સ (85%) માં નોંધાયો હતો, ત્યારબાદ પાર્થિવ (69%) અને દરિયાઈ (56%)માં નોંધાયો હતો.
વસવાટની અપૂરતી સવલતો, ખોરાકની અપ્રપ્યતા, અતિશય શોષણ, આક્રમક પ્રજાતિઓ અને રોગો, આબોહવા કટોકટીની અસરો સાથે મળીને વન્યજીવન અને ઇકોસિસ્ટમને તેમની મયર્દિાઓથી આગળ ધકેલી રહ્યા છે.
વર્લ્ડ વાઇડ ફંડ ફોર નેચરના ઇન્ટરનેશનલના ડાયરેક્ટર જનરલ કર્સ્ટન શુઇજે અહેવાલ સાથે જાહેર કરેલા નિવેદનમાં જણાવ્યું હતું કે, કુદરત એક તકલીફનો કોલ જારી કરી રહી છે. પ્રકૃતિના નુકસાન અને આબોહવા પરિવર્તનની સંલગ્ન કટોકટી વન્યજીવન અને ઇકોસિસ્ટમને તેમની મયર્દિાઓથી આગળ ધકેલી રહી છે, જેમાં ખતરનાક વૈશ્વિક ટિપીંગ પોઈન્ટ્સ પૃથ્વીની જીવન-સહાયક પ્રણાલીઓને નુકસાન પહોંચાડવા અને સમાજોને અસ્થિર બનાવી શકે છે. એશિયા પેસિફિકમાં, જેમાં ભારતનો સમાવેશ થાય છે, પ્રદૂષણ એ વન્યજીવનની વસ્તી માટે વધારાનો ખતરો છે, આ પ્રદેશમાં સરેરાશ 60% નો ઘટાડો નોંધાયો છે.અહેવાલમાં લિવિંગ પ્લેનેટ ઈન્ડેક્સનો ઉપયોગ કરવામાં આવ્યો હતો, જે તેના તારણો પર પહોંચવા માટે લંડનની ઝુઓલોજિકલ સોસાયટી દ્વારા પ્રદાન કરવામાં આવેલ 5,230 પ્રજાતિઓની 32,000 વસ્તી દશર્વિતો વૈશ્વિક ડેટાસેટ છે.
દક્ષિણ અમેરિકા, કેરેબિયન, આફ્રિકા, એશિયા અને પેસિફિકમાં સૌથી વધુ ઘટાડો જોવા મળ્યો હતો. યુરોપ અને ઉત્તર અમેરિકા બંનેમાં, 1970 માં ઇન્ડેક્સ શરૂ થયો તે પહેલાં પ્રકૃતિ પર મોટા પાયે અસર પહેલેથી જ સ્પષ્ટ હતી.જ્યારે રિપોર્ટમાં ભારત-વિશિષ્ટ ડેટા નથી, વર્લ્ડ વાઇડ ફંડ ફોર નેચરના ભારતના અધિકારીઓએ જણાવ્યું હતું કે સસ્તન પ્રાણીઓ, પક્ષીઓ, મધમાખીઓ, ઉભયજીવીઓ અને તાજા પાણીના કાચબામાં સૌથી વધુ ઘટાડો નોંધાયો છે.

અહેવાલમાં દેશમાં જંગલી વાઘની વસ્તી વધારાનો ઉલ્લેખ
અહેવાલમાં વન્ય જીવોને મદદ કરવા માટે નક્કર પગલાં લેવા માટે આહવાન કરવામાં આવ્યું છે તેમાં ભારત સરકાર દ્વારા હાથ ધરવામાં આવેલા કેટલાક પગલાઓને પ્રકાશિત કરવામાં આવ્યા છે જેણે સક્રિય સરકારી પહેલો, અસરકારક રહેઠાણ વ્યવસ્થાપ્ન અને મજબૂત વૈજ્ઞાનિક દેખરેખ, સામુદાયિક જોડાણ અને જાહેર સમર્થન સાથે કેટલીક પ્રજાતિઓને સ્થિર કરવામાં મદદ કરી છે. તેમણે દેશની જંગલી વાઘની વસ્તીનું ઉદાહરણ ટાંક્યું છે અને જણાવ્યું છે કે ઓલ-ઇન્ડિયા ટાઇગર એસ્ટિમેશન 2022માં ઓછામાં ઓછા 3,682 વાઘ નોંધાયા છે, જે 2018માં અંદાજિત 2,967 કરતાં નોંધપાત્ર વધારો છે વધુમાં, પયર્વિરણ, વન અને આબોહવા પરિવર્તન મંત્રાલયએ તાજેતરમાં ભારતમાં પ્રથમ સ્નો લેપર્ડ પોપ્યુલેશન એસેસમેન્ટ લોન્ચ કર્યું હતું જેને સફળતા મળી છે.