ગિલિયડ સાયન્સ ઇન્ક.એ એક પ્રાયોગિક બે-યરલી શોટથી આફ્રિકામાં મહિલાઓ અને કિશોરીઓમાં 100% એચઆઇવી કેસો અટકાવવામાં આવ્યા હતા, જે વાયરસ સામે રક્ષણ આપવા માટે એક શક્તિશાળી નવી દવા તરીકે પ્રથમ સફળ મોટી અજમાયશ છે.ગિલિયડને આશા છે કે તેનો નવો શોટ એચઆઇવીની અન્ય દવાઓ કરતાં ઉપયોગમાં સરળ વિકલ્પ પૂરો પાડશે, કેમ કે અન્ય દવાઓમાં દૈનિક ગોળીઓ અથવા દર બે મહિને ઇન્જેક્શન સિવાય કોઈ સોલ્યુશન નથી. જ્યારે આ ડોઝના બે વાર્ષિક ઈન્જેક્શન લેવાથી જ કામ થઈ જશે.


દર વર્ષે વિશ્વભરમાં લગભગ 1.3 મિલિયન લોકોને એચઆઇવી સંક્રમિત કરે છે, અને જ્યારે વર્તમાન દવાની સારવાર અસરકારક છે, ત્યારે સંશોધકો સંભવિત ઘાતક રોગને રોકવા માટે વધુ સારી રીતો શોધી રહ્યા છે. ન્યૂયોર્કમાં ગિલિયડના શેરમાં 8.3%નો વધારો થયો છે, જે ઑક્ટોબર 2022 પછીનો તેમનો સૌથી મોટો ઇન્ટ્રા-ડે વધારો છે.
આરબીસી કેપિટલ માર્કેટ્સના વિશ્લેષક બ્રાયન અબ્રાહમે ક્લાયન્ટ્સને એક નોંધમાં જણાવ્યું હતું કે અભ્યાસના પરિણામો કંપ્ની માટે બેસ્ટ-કેસ છે. તેમણે કહ્યું કે દવાનો નિવારક ઉપયોગ વાર્ષિક વેચાણમાં 1.7 બિલિયન ડોલર કે તેથી વધુનો વધારો કરી શકે છે. અન્ય દવાઓ સામે પ્રતિરોધક એવા એચઆઇવીની સારવાર માટે લેંકાપાવીરને સનલેન્કા બ્રાન્ડ નામ હેઠળ પહેલેથી જ મંજૂરી આપવામાં આવી છે, પરંતુ તે ગિલિયડ માટે બહુ મોટું વેચાણ નથી.

આ ટેસ્ટમાં દક્ષિણ આફ્રિકા અને યુગાન્ડામાં 16 થી 25 વર્ષની વયની લગભગ 5,300 મહિલાઓ અને છોકરીઓ સામેલ હતી, જેમાંથી કેટલીકને ગિલિયડની લેંકાપાવીર અને અન્યને ગિલિયડની જૂની દવાઓ આપવામાં આવી હતી, જેમાં ટ્રુવાડા અથવા ડેસ્કોવીનો સમાવેશ થાય છે. ગિલિયડે એક નિવેદનમાં જણાવ્યું હતું કે વર્ષમાં બે વાર રસી મેળવનાર મહિલાઓમાં એચઆઇવીનો કોઈ કેસ નથી, જે તે વસ્તીમાં ચેપ્ના દર કરતાં ઘણો ઓછો છે. આ રસી ટ્રુવાડા કરતાં પણ સારી હતી.
પરિણામો ગિલયડની અપેક્ષા કરતાં પણ સારા હતા. ગિલિયડ પુરુષો સાથે સંભોગ કરનારા પુરુષો તેમજ ટ્રાન્સજેન્ડર સ્ત્રીઓ અને ટ્રાન્સજેન્ડર પુરુષોમાં લેંકાપાવીરની બીજી નિવારણ અજમાયશનું સંચાલન કરી રહ્યું છે. તે અજમાયશ, જેમાં યુ.એસ.ના લોકો પણ સામેલ છે, 2024 ના અંત સુધીમાં પરિણામ આવવાની અપેક્ષા છે. જો સફળ થાય, તો ગિલિયડ યુએસ અને અન્ય દેશોમાં લેંકાપાવીરના નિવારક ઉપયોગ માટે નિયમનકારી મંજૂરી માટે અરજી કરવાની અપેક્ષા રાખે છે.