ગોંડલમાં સામાજિક અને રાજકીય ઘમાસાણ શરૂ થયું છે. જેને લઈને આજે તણાવપૂર્ણ સ્થિતિ સર્જાઈ છે. સુલતાનપુરની જનાક્રોશ સભામાં ગણેશ જાડેજાએ આપેલા પડકારને પગલે 
પાટીદાર આગેવાન અલ્પેશ કથીરિયા ગોંડલ આવતા વિરોધીઓએ તેમની કાર પર હુમલાનો પ્રયાસ કર્યો હતો. તેમજ કેટલીક કાર પર ટોળાએ દંડાથી હુમલો કરી કાચ ફોડી નાખ્યા હતા. બાદમાં ગણેશ જાડેજા મેદાનમાં આવી તેમના સમર્થકોને અપીલ કરી હતી કે, આપણે શાંતિપૂર્ણ માહોલમાં વિરોધ કરવાનો છે. કાયદો હાથમાં લેવાનો નથી અને પોલીસને પૂરતો સહયોગ આપવાનો છે. ગણેશ જાડેજાએ અલ્પેશ કથીરિયા હાય હાય...જીગીશા પટેલ હાય હાયના નારા લગાવ્યા હતા. આથી ગોંડલમાં ભારેલા અગ્નિ જેવી સ્થિતિ છે.