મોબાઇલ અને બે બાઇક મળી ૧.૪૪ લાખનો મુદામાલ કબ્જે

જામનગરના ગોકુલનગરની રાધેક્રિષ્ના સોસાયટી વિસ્તારમાં જાહેરમાં ગંજીપતા વડે જુગાર રમતા ૬ શખ્સોને કુલ ૧.૪૪ લાખના મુદામાલ સાથે એલસીબીએ પકડી પાડયા હતા.
જામનગર જીલ્લા પોલીસ અધિક્ષક પ્રેમસુખ ડેલુએ જામનગર જીલ્લામાંથી દારુ જુગારની બદી નેસ્ત નાબુદ કરવા તથા જુગારધારાના કેશો શોધી કાઢવા સુચના કરતા એલસીબી પીઆઇ બી.એન. ચૌધરીના માર્ગદર્શન મુજબ પીએસઆઇ આર.કે. કરમટા તથા પીએસઆઇ પી.એન. મોરી તથા સ્ટાફના માણસો પ્રોહીબીશન  જુગાર અંગેના કેસો શોધી કાઢવા અંગે શહેર વિસ્તારમાં પેટ્રોલીંગમાં હતા.
દરમ્યાન સ્ટાફના સંજયસિંહ વાળા, હિતેન્દ્રસિંહ જાડેજા, કાસમભાઇ બ્લોચ તથા મયુરસિંહ પરમારને મળેલ ખાનગી હકીકત આધારે જામનગર શહેરમાં ગોકુલનગર રાધેક્રિષ્ન સોસાયટીમાં તિનપતીનો જુગાર રમતા જેઠા અરજણ ભારવાડીયા રહે. ગોકુલનગર મુરલીધર સોસાયટી શેરી નં. ૧૬, રામદે પીઠા કોટા રહે. ગોકુલનગર અયોઘ્યાનગર શેરી નં. ૧, રણછોડ કાના મકવાણા રહે. ગોકુલનગર ખોડીયારનગર, પરબત રણમલ ચેતરીયા રહે ગોકુલનગર મુરલીધર સોસાયટી શેરી નં. ૨ મનોજ ઉર્ફે મનસુખ રામજી પરેશા રહે. અંધાશ્રમ ફાટક પાસે હનુમાન ચોક, દિનેશ ચમન ડાભી રહે. શરુ સેકશન રોડ, માસ્તર સોસાયટી પાછળ, કોળીવાસ જામનગરવાળાને  રોકડા ૫૮.૯૦૦ ગંજીપાના , મોબાઇલ ફોન ૬ કિ. ૨૫૫૦૦ તથા બે મોટરસાયકલ કિ. ૬૦ હજાર મળી કુલ ૧.૪૪.૪૦૦ના મુદામાલ સાથે અટકાયત કરી હતી.
***
બેડી ઓવરબ્રીજ નીચે એકી-બેકીનો જુગાર
જામનગરના બેડી ઓવરબ્રીજ નીચે જાહેરમાં ચલણી નોટના નંબર પર એકી બેકીનો જુગાર રમતા એકડેએકબાપુની દરગાહ પાસે રહેતા શાહરુખ અસગર મુલા શેખ તથા ધરારનગરમાં રહેતા સીદીક ગુલામ મેરમિયાણા નામના બે શખ્સોને સીટી-બી પોલીસે દરોડા દરમ્યાન રોકડા ૮૨૦ સાથે દબોચી લીધા હતા.