પોરબંદરમાં વીરભનુની ખાંભીથી નિરમા ફેકટરીના ગેટ સુધી સામેના રોડ ઉપર બાવળ સહિત ઝાડી-ઝાંખરાનું સામ્રાજ્ય તથા ધુળ, માટી અને કચરો જોવા મળી રહ્યા હોવાથી મહાસફાઇ અભિયાન જ‚રી બન્યુ છે. 
પોરબંદર નગરપાલિકાનુ તંત્ર જુદા જુદા વિસ્તારોમાં ‘સ્વચ્છતા હી સેવા’ અભિયાન અંતર્ગત સફાઇની કામગીરી કરાવી રહ્યુ છે પરંતુ અમુક વિસ્તારને બાકાત રાખી દીધા હોય તેવુ જણાઇ રહ્યુ છે જેમાં વીરભનુની ખાંભીથી કોસ્ટગાર્ડ હેડકવાર્ટર થઇને નિરમા ફેકટરી તરફ જતા રસ્તે આર.જી.ટી. કોલેજ અને તેની દીવાલની બહાર મોટી માત્રામાં ગાંડાબાવળ સહિત ઝાડી- ઝાંખરાનું સામ્રાજ્ય જોવા મળી રહ્યુ છે એટલુ જ નહી પરંતુ ત્યાં ધૂળ સહિત અન્ય કાટમાળ પણ ખડકાઇ ગયેલો જોવા મળી રહ્યો છે જેના કારણે રસ્તો સાંકડો થઇ ગયો છે. 
માટે નગરપાલિકાના તંત્રએ અહીંયા પણ સમગ્ર રસ્તા પર બન્ને સાઇડ સફાઇ અભિયાન કરાવવુ જોઇએ તેવી માંગણી લખમણભાઇ દાસા દ્વારા કરવામાં આવી છે.