ખંભાળિયાની જાણીતી સેવા સંસ્થા માનવસેવા સમિતિના ઉપક્રમે અત્રે જામનગર રોડ ઉપર આવેલી એલ.પી. બદિયાણી હોસ્પિટલ ખાતે આગામી રવિવાર તા. 31 માર્ચના રોજ સવારે 9 થી 11:30 વાગ્યા સુધી વિના મૂલ્યે નેત્ર નિદાન, સારવાર તથા દવા વિતરણ અને શસ્ત્રક્રિયા કેમ્પનું આયોજન કરવામાં આવ્યું છે.

આ કેમ્પમાં રણછોડદાસ બાપુ ચેરીટેબલ ટ્રસ્ટ - રાજકોટની આંખની હોસ્પિટલના ડોક્ટરો તેમજ ટેકનીશિયનો તેઓની સેવાઓ આપશે. આ કેમ્પમાં દર્દીને સ્થળ પર તપાસીને દવા તેમજ સારવાર વિના મૂલ્યે અપાશે. ઓપરેશનની જરૂરિયાતવાળા દર્દીઓને રાજકોટ લઈ જઈ અને આધુનિક પદ્ધતિથી વિનામૂલ્યે નેત્રમણી મૂકી આપવામાં આવશે. આ સાથે સર્વરોગ નિદાન તેમજ બ્લડ પ્રેશર કેમ્પનો લાભ લેવા ખંભાળિયા શહેર તથા આસપાસના દર્દીઓને માનવ સેવા સમિતિના પ્રમુખ ધીરેનભાઈ બદિયાણી દ્વારા અપીલ કરવામાં આવી છે.