નસિંગ કોલેજમાં એડમીશન અપાવવાના મામલે છેતરપીંડી

નસિંગ કોલેજમાં એડમીશન અપાવશું તેમ કહીને છેતરપીંડી આચર્યાની જામનગરના બે શખ્સો સામે પોલીસમાં ફરીયાદ નોંધાવવામાં આવતા તપાસ ચલાવવામાં આવી રહી છે.
પ્રાપ્ત વિગત અનુસાર પોરબંદર જિલ્લાના પાંડાવદરા ગામની ભીલડી સીમમાં રહેતા મેરુ ઓઘડભાઇ ખુંટી નામના આઘેડે પોલીસમાં ફરીયાદ નોંધાવી છે કે, જામનગર શહેરના વતની અલ્પેશ એચ. દેવમુરારી તથા મનસુખભાઇ વી. કણજારીયા નામના બે શખ્સોએ ચાર વિધાર્થીનીઓને જામનગર શહેરની એમ.પી. શાહ કોલેજમાં નર્સીંગ કોર્સમાં એડમીશન અપાવી દેવાની ખોટી ખાતરી આપી હતી તેમજ રુા. ૫૬ હજાર પડાવી લઇને એડમીશન નહી અપાવતા મેરુભાઇ ખુટીએ તેમની તથા સાહેદો સાથે છેતરપીંડી અને વિશ્ર્વાસઘાત કર્યાની પોલીસમાં ફરીયાદ નોંધાવી છે પોલીસે આ બંને શખ્સો સામે ગુનો નોંધીને વધુ તપાસ બગવદર પોલીસ ચલાવે છે.