જિલ્લામાં વિદેશી દારુ સંદર્ભે પાંચ સામે કાર્યવાહી

ખંભાળિયામાં ચોખંડા - બજાણા રોડ પરથી પોલીસે વિશાલ રાજપાલ ગમાણા, મુકેશ રાજુભાઈ બામરોલીયા, રવિ દેવરાજ ચાવડા અને નીતિન વેલજી કણજારીયા નામના ચાર શખ્સોને જાહેરમાં ચલણી નોટોના નંબર ઉપર એકી બેકીનો જુગાર રમતા મુદ્દામાલ સાથે ઝડપી લીધા હતા.

દ્વારકાના નરસંગ ટેકરી વિસ્તારમાં રહેતા કરણ ઉર્ફે કનુ ટપુભા સુમણીયા નામના 23 વર્ષના શખ્સને પોલીસે જગ્યામાં ખાડો ખોદીને છુપાવેલી રૂપિયા રાખેલી રૂ. 17,000 ની કિંમતની 34 બોટલ વિદેશી દારૂના જથ્થા સાથે ઝડપી લીધો હતો. આ પ્રકરણમાં મુરુભા ઉર્ફે મોડભા મેરૂભા માણેક નામનો શખ્સ ફરારી જાહેર થયો છે.

ખંભાળિયા તાલુકાના હંજરાપર ગામના વાડી વિસ્તારમાં રહેતા રામ પીઠાભાઈ જોગલ (ઉ.વ. 32) ને પોલીસે ત્રણ બોટલ વિદેશી દારૂ સાથે ઝડપી લીધો હતો.

ભાણવડ તાલુકાના પાછતર ગામેથી એલસીબી પોલીસે પરેશ નારણ કોડીયાતર નામના શખ્સ દ્વારા પોતાના મકાનમાં છુપાવીને રાખવામાં આવેલી વિદેશી દારૂની બે બોટલ કબજે કરી હતી. આ પ્રકરણમાં આરોપી પરેશ કોડીયાતર ફરારી જાહેર થયો છે.

દ્વારકા પોલીસે બરડીયા ગામના નિકુંજ જસાભાઈ નાગેશ નામના 26 વર્ષના રબારી શખ્સને વિદેશી દારૂ સાથે ઝડપી લઈ, ગુનો નોંધ્યો હતો.