લ્યુઇસિયાના આરોગ્ય વિભાગે પુષ્ટિ કરી છે કે યુનાઇટેડ સ્ટેટ્સમાં બર્ડ ફ્લૂ સાથે સંકળાયેલ પ્રથમ માનવ મૃત્યુ નોંધવામાં આવ્યું છે. આ કેસમાં 65 વર્ષીય દર્દીનો સમાવેશ થાય છે. તે અત્યંત રોગકારક એવિયન ઈન્ફલ્યુએન્ઝા, અથવા બર્ડ ફ્લૂ, વાયરસથી સંક્રમિત હતા. લ્યુઇસિયાના અને યુ.એસ. બંનેમાં બર્ડ ફ્લૂથી જોડાયેલી આ પ્રથમ માનવ મૃત્યુ છે.
આરોગ્ય વિભાગના જણાવ્યા અનુસાર, દર્દીને જંગલી પક્ષીઓના સંપર્કમાં આવવાથી બર્ડ ફ્લૂનો ચેપ લાગ્યો હતો. જે બાદ તેને હોસ્પિટલમાં દાખલ કરવામાં આવ્યો હતો, પરંતુ અંતે તેનું મોત નીપજ્યું હતું. આ કેસ બર્ડ ફ્લૂ વાયરસના ચેપ્નો પ્રથમ જાણીતો કેસ છે જે મનુષ્યના સંપર્કમાં આવ્યો છે. આરોગ્ય વિભાગે જણાવ્યું હતું કે આ કેસની સંપૂર્ણ તપાસ કરવામાં આવી છે અને માનવથી માનવ ફેલાવા અથવા અન્ય બર્ડ ફ્લૂ કેસના કોઈ પુરાવા મળ્યા નથી. આ એક અલગ કેસ છે અને દેશના અન્ય કોઈપણ ભાગમાં અન્ય કોઈ ચેપ નોંધાયો નથી.
લુઇસિયાના ડિપાર્ટમેન્ટ ઓફ હેલ્થ અનુસાર, સામાન્ય લોકો માટે જોખમ ઓછું છે. જો કે જે લોકો પક્ષીઓ, ચિકન અથવા અન્ય સંભવિત સંક્રમિત પ્રાણીઓના સંપર્કમાં આવે છે તેઓને વધુ જોખમ હોઈ શકે છે. આરોગ્ય વિભાગે લોકોને જંગલી પક્ષીઓ અને પ્રાણીઓ સાથે સીધો સંપર્ક ટાળવાની સલાહ આપી છે જે બર્ડ ફ્લૂ વાયરસથી સંક્રમિત થઈ શકે છે.