સ્થાનિક ફાયર સિસ્ટમની મદદથી આગ ઓલાવવાનો પ્રયાસ: ફાયર બ્રિગેડની ટુકડીએ દોડી જઈ આગને કાબુમાં લીધી

જામનગરના એસ.ટી. ડેપોમાં પાર્સલ વિભાગમાં રાખવામાં આવેલા ઇન્વર્ટર ની બેટરીમાં સ્પાર્ક થતાં ગઈ રાત્રે ૧૦.૩૦ વાગ્યા ના અરસામાં આગ લાગી હતી, જેથી આગના લબકારા દેખાતાં એસટી ડેપોમાં દોડધામ થઈ હતી. આ બનાવ અંગે ફાયર શાખા ને જાણ કરાયા પછી જામનગર મહાનગરપાલિકાની ફાયર શાખાની ટુકડીએ દોડી જઈ સમયસર આગને કાબુમાં લઈ લીધી હતી.

જામનગરના એસટી ડેપો માં પાર્સલ વિભાગમાં રાખવામાં આવેલા ઇન્વેટર ની બેટરીમાં સ્પાર્ક થવાના કારણે આગ લાગી હતી, અને આગ ના લબકારા જોવા મળ્યા હતા, જેથી એસ.ટી ડેપો ઉપર હાજર રહેલા મુસાફરો અને સ્ટાફમાં થોડો સમય માટે દોડધામ થઈ હતી.

રાત્રિના ૧૦.૩૦ વાગ્યાના અરસામાં આગ લાગવાની ઘટના બનવાથી સૌપ્રથમ એસટી વિભાગના સ્ટાફ દ્વારા એસ.ટી. ડિવિઝનમાં લગાવવામાં આવેલા ફાયર ના બાટલા થી આગ બુઝાવવાનો પ્રયાસ થયો હતો.

જયારે ત્યાં હાજર રહેલા એસ.ટી. વિભાગના કર્મચારી દુષ્યંતસિંહ જાડેજાએ તાત્કાલિક અસરથી ફાયર બ્રિગેડ શાખાને ટેલીફોનીક જાણ કરી દીધી હતી, તેથી ફાયરબ્રિગેડ નો કાફલો તુરંત જ ફાયર ફાઈટર સાથે બનાવના સ્થળે પહોંચી ગયો હતો, અને આગને સંપૂર્ણપણે બુઝાવી દીધી હતી. જેથી એસટી વિભાગના પાર્સલ રૂમમાં કોઈપણ પ્રકારની વધુ નુકસાની થઈ ન હતી, માત્ર ઈલેક્ટ્રીક-બેટરી વગેરેને નુકસાન થયું હતું.

જ્યાં કેટલાક પાર્સલો પણ રાખવામાં આવ્યા હતા, પરંતુ તેને કોઈ નુકસાન પહોંચ્યું ન હતું, જે આગ સમયસર કાબુમાં આવી જતાં એસ.ટી. તંત્ર સહિતના સર્વેએ હાશકારો અનુભવ્યો હતો.