દિલ્હીની આઈટીઓમાં ઈન્કમટેક્સની સીઆર બિલ્ડીંગમાં આગ લાગી હતી. માહિતી મળતાની સાથે જ ફાયર બ્રિગેડની ઘણી ગાડીઓ ઘટનાસ્થળે પહોંચી ગઈ છે. દિલ્હી ફાયર સર્વિસના અધિકારીઓએ જણાવ્યું કે કોઈ જાનહાનિ થઈ નથી.

જૂના પોલીસ હેડક્વાર્ટરની સામે આવેલી બિલ્ડીંગમાં આગ લાગી હતી. ફાયર વિભાગે જણાવ્યું હતું કે ઇન્કમટેક્સ સીઆર બિલ્ડીંગમાં બપોરે 3.07 વાગ્યે આગની જાણ કરવામાં આવી હતી. માહિતી મળ્યા બાદ તાત્કાલિક 21 ફાયર ટેન્ડર ઘટનાસ્થળે મોકલવામાં આવ્યા હતા.

વધુ તપાસ માટે અને કાયદો અને વ્યવસ્થા જાળવવા માટે સ્થાનિક પોલીસને પણ મામલાની જાણ કરવામાં આવી છે. સોશિયલ મીડિયા પર સામે આવેલા કેટલાક વીડિયો અનુસાર, બિલ્ડિંગના રહેવાસીઓએ આગથી બચવા માટે બારી પાસે આશ્રય લીધો હતો.