મુંબઈના બાંદ્રામાં ગરીબ નગર વિસ્તારમાં રૂ. ૬૦૦કરોડની રેલવે જમીન પર અતિક્રમણ હટાવવા બુલડોઝર કાર્યવાહી દરમિયાન હિંસા ફાટી નીકળી ગેરકાયદેસર ધાર્મિક માળખાના ડિમોલિશનનો ભારે વિરોધ કર્યો હતો આ કાર્યવાહી ઈદના તહેવારની બરાબર નજીક કરવામાં આવી હતી, જેના કારણે રહેવાસીઓમાં પુનર્વસનની અછત અને ઉત્સવના સમયને લઈને ભારે આક્રોશ હતા.

જમીનનો વિવાદ અને આદેશ:

વેસ્ટર્ન રેલવે દ્વારા બોમ્બે હાઈકોર્ટના આદેશો બાદ બાંદ્રા સ્ટેશન નજીક ગરીબ નગરમાં ૫,૨૦૦ ચોરસ મીટર (લગભગ ૫૦૦ ઝૂંપડપટ્ટીઓ) જમીન ખાલી કરાવવાની કાર્યવાહી હાથ ધરવામાં આવી હતી.

જમીનની અંદાજિત કિંમત ૬૦૦​​​​​​​ કરોડ રૂપિયા છે.
આ ઝુંબેશનો ઉદ્દેશ્ય ૫,૨૦૦ ચોરસ મીટર વ્યૂહાત્મક રીતે મહત્વપૂર્ણ રેલ્વે જમીનને સાફ કરવાનો છે, જેની કિંમત આશરે રુ.600 કરોડ છે. રેલ્વે અધિકારીઓના જણાવ્યા અનુસાર, અતિક્રમણ હાર્બર લાઇન ટ્રેક અને ઓવરહેડ ઇલેક્ટ્રિકલ ઇક્વિપમેન્ટ  પોલ સહિત રેલ્વે ઇન્ફ્રાસ્ટ્રક્ચરની નજીક ખતરનાક રીતે ફેલાયું છે.

હિંસા ફાટી નીકળવાનું કારણ: ​​​​​​​

બીજા દિવસે બુલડોઝરની ટીમો જ્યારે એક કથિત ગેરકાયદેસર ત્રણ માળની મસ્જિદ અને મોબાઈલ ટાવરને તોડવા પહોંચી ત્યારે તણાવ ચરમસીમાએ પહોંચ્યો.રહેવાસીઓનો આક્ષેપ હતો કે તેમને સામાન ખસેડવા માટે પૂરતો સમય આપવામાં આવ્યો ન હતા.

ઉશ્કેરાયેલા ટોળાએ બુલડોઝર અને પોલીસ ટીમ પર પથ્થરમારો શરૂ કર્યો હતો, જેના જવાબમાં સુરક્ષાકર્મીઓએ ભીડને વિખેરવા લાઠીચાર્જ કરવો પડ્યો હતોઆ હિંસામાં ઘણા પોલીસકર્મીઓ અને સ્થાનિકો ઘાયલ થયા હતા અને ૧૦ થી વધુ લોકોને અટકાયતમાં લેવામાં આવ્યા હતા.

પશ્ચિમ રેલ્વે બાંદ્રા સ્ટેશનની આસપાસના અતિક્રમણ દૂર કર્યા પછી રેલ્વે માળખાકીય સુવિધાઓનું મોટું વિસ્તરણ કરશે. અધિકારીઓએ જણાવ્યું હતું કે બાંદ્રા સ્ટેશનની આસપાસની જમીન વ્યૂહાત્મક રીતે મહત્વપૂર્ણ છે કારણ કે તે રેલ્વે કોરિડોર અને નજીકના બાંદ્રા-કુર્લા કોમ્પ્લેક્સ બિઝનેસ ડિસ્ટ્રિક્ટને અડીને છે.

પોલીસે જણાવ્યું હતું કે પ્રદર્શનકારીઓએ ડિમોલિશન ટીમ પર પથ્થરો, વાસણો અને અન્ય વસ્તુઓ ફેંકી હતી, જેના કારણે લાઠીચાર્જ કરવામાં આવ્યો હતો. આ ઘટનામાં સાત પોલીસકર્મીઓ અને છ પ્રદર્શનકારીઓ ઘાયલ થયા હતા, જ્યારે 10 લોકોની અટકાયત કરવામાં આવી હતી . રમખાણો અને સરકારી અધિકારીઓ પર હુમલો કરવાના આરોપ સર એફ આઈ આર  નોંધવામાં આવી હતી. વધારાના પોલીસ કમિશનર અભિનવ દેશમુખે હિંસામાં સામેલ લોકો સામે કડક કાનૂની કાર્યવાહી કરવાની ચેતવણી આપી હતી.

અહેવાલ મુજબ, ઘણા બહુમાળી ઝૂંપડપટ્ટી બાંધકામો નજીકના ફૂટબ્રિજની ઊંચાઈથી ઉપર ઉંચા થઈ ગયા છે, જેના કારણે ટ્રેન સંચાલન અને ભાવિ રેલ્વે વિસ્તરણ માટે સલામતીની ચિંતાઓ વધી રહી છે.