જામવંથલી મુકામે ફુલવાન પરમધામ ખાતે બિરાજમાન ઓમ અનાદિ શ્રી કૃષ્ણ નારાયણ ભગવાનનો કળશ ઘ્વજા, પ્રતિષ્ઠા, રજત મહોત્સવ યોજાયો હતો આ ત્રિદિવસીય કાર્યક્રમ રંગચંગે ઉજવાયો હતો. ત્રણેય દિવસ સંતો દ્વારા કથા, વ્યાખ્યાન કરવામાં આવ્યું હતું. જેમાં ગામના તથા આજુબાજુના રહેવાસીઓએ કથાનું રસપાન કર્યું હતું તેમજ રાસગરબા અને ધાર્મિક કાર્યક્રમો તથા વિવિધ પ્રસંગોની ઉજવણી કરવામાં આવી હતી. હજારો ભાવિકો દ્વારા રાસગરબાની રમઝટ બોલાવી કાર્યક્રમ માણ્યો હતો. ત્યારબાદ મહાપ્રસાદનું આયોજન કરવામાં આવ્યું હતું જેમાં તમામ ભકતો, રહેવાસીઓ તેમજ આજુબાજુના ગામનાં લોકોએ મહાપ્રસાદનો લાભ લીધો હતો. પુના, મહારાષ્ટ્ર તથા ગુજરાતમાંથી હજારો ભકતોએ  આ કાર્યક્રમનો લાભ લીધો હતો.