અખબારમાં જાહેરાત આપીને પિતાના નામ સાથે છેડો ફાડ્યાની જાહેરાત કરી

એન્જેલીના જોલીની પુત્રી શિલોહે તેના નામમાંથી તેના પિતા બ્રાડ પિટની અટક હટાવવાની જાહેરાત કરી છે. શીલોહ જોલીએ લોસ એન્જલસ ટાઇમ્સમાં એક જાહેરાત આપી આનું એલાન કર્યું છે કે તેણી તેની અટક છોડી રહી છે. શિલોહ જોલી પહેલા, નાની બહેને તેના નામમાંથી પિતા બ્રાડ પિટની અટક પણ કાઢી નાખી હતી.એન્જેલીના જોલીની પુત્રી શિલોહ જોલી પિટે હવે પિતા બ્રાડ પિટ સાથેના તમામ સંબંધો તોડવા માટે એક મોટું પગલું ભર્યું છે. તેણે પોતાનું નામ બદલવા માટે લોસ એન્જલસના એક અખબારમાં મોટી જાહેરાત આપી. આ માટે શિલોહ જોલી પિટે જાહેરાત કરી છે કે તે તેના નામમાંથી 'પિટ' સરનેમ હટાવી રહી છે. 18 વર્ષની શિલોહ જોલી પિટે આવું પગલું ભર્યું કારણ કે કોર્ટ દ્વારા કાયદાકીય રીતે નામ બદલવાની મંજૂરી આપવામાં આવે તે પહેલાં તે જરૂરી છે.પિતા બ્રાડ પિટની સરનેમ નામમાંથી હટાવવાના સમાચાર સૌથી પહેલા મે 2024માં આવ્યા હતા. તે જ સમયે, નાની પુત્રી વિવિએને પણ તેના નામમાંથી તેના પિતાની અટક કાઢી નાખી હતી. ત્યારથી એવી જોરદાર ચર્ચા થઈ હતી કે બ્રેટ પિટ અને તેની દીકરીઓ વચ્ચેના સંબંધો બગડી ગયા છે.


પહેલા ઇન્સ્ટાગ્રામ એકાઉન્ટમાંથી પિતાની અટક હટાવી
એન્જેલિના જોલી અને બ્રેટ પિટના અલગ થયા પછી, શિલોહ જોલી પિટ તેના ઇન્સ્ટાગ્રામ એકાઉન્ટ પર લખેલા નામમાંથી તેના પિતાની અટક દૂર કરનાર પ્રથમ વ્યક્તિ હતી. શિલોહે હવે તેનું નામ શિલોહ નુવેલે જોલી પિટથી બદલીને શિલોહ નુવેલે જોલી કરવાનું નક્કી કર્યું છે. થોડા મહિના પહેલા શિલોહે પોતાનું નામ બદલવા માટે કોર્ટમાં અરજી કરી હતી અને હવે અખબારમાં આ જાહેરાત આવી છે, જેમાં નામ બદલવાની જાહેરાત કરવામાં આવી છે.


નામ બદલવાના નિયમો, એન્જેલીના જોલીના આક્ષેપો
કેલિફોર્નિયાના કાયદા અનુસાર, જો કોઈ નામ બદલવાથી અસંમત હોય, તો તેણે આ મહિનાના અંતમાં કોર્ટમાં હાજર થવું પડશે. જો નહિ, તો શિલોહ તેનું નામ બદલી નાખશે. અહેવાલો અનુસાર, જ્યારે બંને પુત્રીઓએ તેમના પિતાની અટક હટાવવાનો નિર્ણય કર્યો, ત્યારે બ્રાડ પિટ તેના વિશે જાણીને ખૂબ જ દુઃખી થયો. બ્રાડ પિટ હંમેશા દીકરી ઈચ્છતો હતો અને શિલોહ તેના માટે ખૂબ જ ખાસ હતી.બ્રાડ પિટ અને એન્જેલિના જોલી 2016માં અલગ થઈ ગયા હતા. અહેવાલો અનુસાર, તે સમયથી બ્રાડ પિટ અને તેના 6 બાળકો વચ્ચેનું અંતર પણ વધવા લાગ્યું. બ્રાડ પિટ અને એન્જેલિના જોલી ઘણા વર્ષોથી છૂટાછેડા માટે લડી રહ્યા છે. એન્જેલીના જોલીએ એવો પણ દાવો કર્યો હતો કે ભૂતપૂર્વ પતિ બ્રાડ પિટે તેને અને બાળકોને માર્યા હતા જ્યારે તેઓ ચેટો મિરાવલથી પાછા ફર્યા હતા.