બનાવની જાણવા મળતી વિગતો મુજબ, લક્ષ્મીનગરમાં મદીના મસ્જિદની સામે રહેતા તોફિસ જાહીદભાઇ ઓડિયા(ઉ.વ ૩૨) નામના યુવાને માલવીયાનગર પોલીસ મથકમાં નોંધાવેલી ફરિયાદમાં આરોપી તરીકે તેના કૌટુંબિક સગા સમીર ઇકબાલ ઠાસરીયા, તેનો ભાઇ વસીમ અને તેના પિતા ઇકબાલના નામ આપ્યા છે.

યુવાને ફરિયાદમાં જણાવ્યું હતું કે, તે ભકિતનગર સ્ટેશન રોડ પર આવેલી સુઝૂકી કંપનીમાં એડવાઈઝર તરીકે નોકરી કરે છે.ગઇકાલે રાત્રે તે ઘર પાસે તેના ભત્રીજા અમન સાથે વાતચીત કરતો હતો ત્યારે સમીર અહીં આવ્યો હતો અને ગાળો આપી તેની પાાસે રહેલી છરી યુવાનને કાંડાના ભાગે ઝીંકી દીધી હતી.બાદમાં તેનો ભાઇ વસીમ અને તેના પિતા ઇકબાલ અહીં આવ્યા હતા અને તેણે યુવાનને ઢીકાપાટુનો મારામાર્યો હતો.હુમલમાં ઘવાયેલા યુવાનને સારવાર માટે હોસ્પિટલ ખસેડાતા તેને હાથમાં ૧૪ ટાંકા આવ્યા હતાં.બાદમાં તેણે આ અંગે માલવીયાનગર પોલીસ મથકમાં ફરિયાદ નોંધાવી છે.

યુવાને ફરિયાદમાં વધુમાં જણાવ્યુ હતું કે, આજથી ૧૨ વર્ષ પૂર્વે શેરીમાં ચાલવા બાબતે તેમે વસીમ સાથે ઝઘડો થયો હોય બાદમાં આ બાબતે આ પિતા-પુત્ર અવારનવાર બોલાચાલી કરતા હતાં.દરમિયાન ગઇકાલે આ હુમલો કરી દીધો હતો.આ અંગે યુવાનની ફરિયાદ પરથી માલવયીનગર પોલીસે ગુનો નોંધી જરૂરી કાર્યવાહી કરી હતી.