વરસાદની આગાહી વચ્ચે ભાવનગર જિલ્લામાં આજે મંગળવારે બપોર સુધી મેઘવિરામ રહયો હતો. મહત્તમ તાપમાન ૩૨.૭ ડિગ્રી,લઘુત્તમ ૨૫.૬, ભેજ ૮૭ ટકા અને પવનની ઝડપ ૧૦ કિ.મી. રહી :શેત્રુંજી ડેમમાં હાલ પાણીની આવક- જાવક ૪૫૦ ક્યુસેક શરૂ,ડેમના પાંચ દરવાજા એક ફુટે ખોલાયા છે 
ભાવનગર જિલ્લામાં  વરસાદની આગાહી વચ્ચે આજે મંગળવારે બપોર સુધી મેઘવિરામ રહયો હતો. પાલિતાણાના શેત્રુંજી ડેમમાં હાલ ૪૫૦ ક્યુસેક પાણીની આવક અને જાવક શરૂ છે.ડેમના પાંચ દરવાજા એક ફુટે ખુલ્લા છે.પાલિતાણાના શેત્રુંજી ડેમ ઓવરફ્લો થતાં લોકો અને ખેડૂતો ખુશખુશાલ થયા છે.
વરસાદી વાતાવરણ દૂર થતાં ભાવનગર શહેરમાં  મહત્તમ તાપમાન એક જ દિવસમાં ૬.૩ ડિગ્રી વધીને ૩૨.૭ ડિગ્રી રહયું હતું.ભાદરવાના આકરા તાપથી આથી લોકોને રાહત મળી હતી.ભેજ વધુ રહેતા અસહય બફારો લોકોને રોજ તોબા પોકરાવી દે છે. મહત્તમ તાપમાન વધીને ૩૨.૭ ડિગ્રી,જ્યારે લઘુતમ તાપમાન ૧.૩ ડિગ્રી વધીને ૨૫.૬ ડિગ્રી નોંધાયુ હતુ. આજે મંગળવારે  સવારે ભેજ ૮૭ ટકા રહયો હતો.જ્યારે પવનની ઝડપ આજે સવારે ૧૦ કિ.મી. રહી હતી. 
ભાદરવા માસના અંતિમ સપ્તાહમાં ગરમીનું જોર વઘ-ઘટ થયા કરે છે. પરંતુ ભેજ વધુ રહેતા બફારો વધ્યો છે.આથી લોકો ભારે ત્રસ્ત થયા છે. ઑક્ટોબર મહિનાના પ્રથમ સપ્તાહમાં  લઘુત્તમ અને મહત્તમ તાપમાનમાં વઘઘટ થયા કરે છે.