અમેરિકાના ન્યૂયોર્કમાં 117 વર્ષથી પણ જુના એક કાયદાને રદ કરી નાખવામાં આવ્યો છે. જેને પગલે હવેથી ન્યૂયોર્કમાં જીવનસાથી સાથે વિશ્વાસઘાત કરવો કે લગ્નેત્તર સંબંધોમાં જોડાવું અથવા વ્યભિચારને અપરાધ નહીં માનવામાં આવે. 1907માં આ કાયદાને ઘડવામાં આવ્યો હતો, જે હેઠળ સંબંધોમાં ચીટિંગ કે વિશ્વાસઘાત અપરાધ માનવામાં આવતો હતો. જોકે હવે તેને કોર્ટે રદ કરી નાખ્યો છે.
ગવર્નર કૈથી હોચુલે 1907માં બનેલા આ કાયદાને રદ કરવા માટેના એક બિલ પર સહી કરી હતી, પોતાના સાથી ઉપરાંત અન્ય કોઇ સાથે સંબંધ રાખવા પર વર્ષોથી ચચર્િ ચાલી રહી હતી કે શું ચીટિંગ કે વિશ્વાસઘાતને અપરાધ માનવો કે નહીં. કોર્ટના આ ચુકાદાને પગલે હવેથી પોતાના પાર્ટનર સાથે ચીટિંગ કરવી તે ન્યૂયોર્કમાં અપરાધ માનવામાં નહીં આવે. જોકે હજુ પણ અમેરિકાના 16 રાજ્યોમાં ચીટિંગને અપરાધ માનવામાં આવે છે. અગાઉ ન્યૂયોર્કમાં ચીટિંગને અપરાધ ગણીને 90 દિવસ સુધીની જેલની સજા થતી હતી. અમેરિકામાં રાજ્યો પોતાની રીતે કાયદા ઘડી કે બદલી શકે છે, ન્યૂયોર્કે એડલ્ટરી એટલે કે લગ્નેત્તર સંબંધને હવે અપરાધની કેટેગરીમાંથી બહાર કરી નાખ્યો છે.