એસ.ડી.એમ., પોલીસ અને ફાયર વિભાગની સંયુક્ત કામગીરી

દેવભૂમિ દ્વારકા જિલ્લાના ખંભાળિયા પ્રાંત વિસ્તાર હેઠળ આવતા ખંભાળિયા તાલુકા તેમજ ભાણવડ તાલુકામાં ફટાકડાના વેચાણ સંદર્ભે તંત્ર દ્વારા સધન કામગીરી હાથ ધરવામાં આવી છે.

આ અંતર્ગત અહીંના નાયબ કલેક્ટર અને સબ ડિવિઝનલ મેજિસ્ટ્રેટ કે.કે. કરમટાના વડપણ હેઠળ સ્થાનિક મામલતદાર, પોલીસ અને ફાયર વિભાગની ટીમે સંયુક્ત રીતે ચેકિંગ કાર્યવાહી કરી અને અહીં જે કોઈ આસામી કાયમી ફટાકડા વેચાણ કરવા અંગેનું લાયસન્સ ધરાવે છે, તે તમામ આસામીઓના લાયસન્સ તેમજ સ્થળ તપાસણી કરવામાં આવી હતી.

આ ટીમ દ્વારા જે કોઈ લાયસન્સધારકની કામગીરી ધોરણસર ના હોય તેવા આસામીઓના લાયસન્સ રદ કરવાની કામગીરી પણ હાથ ધરવામાં આવી છે. તંત્રની આ સધન કામગીરીથી અનિયમિત રહેલા લાયસન્સધારકોમાં ફફડાટ સાથે દોડધામ મચી જવા પામી છે.