લોકસભાની ચૂંટણી પૂર્ણ થયા પછી ગુજરાત ભાજપમાં ત્રણ મોટા ફેરફારો થઇ રહ્યાં છે. કેન્દ્રમાં જો એનડીએની સરકાર રચાશે તો હાલના પ્રદેશ પ્રમુખ સીઆર પાટીલને મોદી કેબિનેટમાં મહત્વનું સ્થાન મળી શકે છે.

પાર્ટી સૂત્રોના જણાવ્યા પ્રમાણે ચૂંટણી પછી પ્રદેશ પ્રમુખ બદલાવાના હોવાથી નવા પ્રદેશ પ્રમુખ આવી શકે છે. હાઇકમાન્ડે આ પોસ્ટ માટે ઓબીસી ભણી નજર દોડાવી છે. સીઆર પાટીલની ટર્મ તો પુરી થઇ ચૂકી હતી પરંતુ લોકસભાની ચૂંટણી હોવાથી તેમને એકસટેન્શન આપવામાં આવ્યું હતું પરંતુ જૂન મહિનામાં તે પૂં થવાનું હોવાથી નવા પ્રદેશ પ્રમુખની શોધ શ કરી દેવામાં આવી છે. સત્તાધારી પાર્ટીમાં ત્રીજો અને મહત્વનો ફેરફાર એવો છે કે ભૂપેન્દ્ર પટેલની સરકારનું વિસ્તરણ થશે. સૂત્રો જણાવે છે કે બે થી ત્રણ મંત્રીઓને ડ્રોપ કરીને પાંચ થી સાત નવા ચહેરાને સ્થાન અપાશે. મહત્વનું છે કે કોંગ્રેસમાંથી પક્ષપલ્ટો કરીને આવેલા અર્જુન મોઢવાડિયા અને સીજે ચાવડાને પાર્ટી હાઇકમાન્ડે ભાજપમાં લેતાં પહેલાં કેબિનેટમાં સમાવવાની ઓફર કરી હતી.
ગુજરાતમાં કેબિનેટના વિસ્તરણની સાથે સાથે બ્યુરોક્રેસીમાં પણ મોટા ફેરફારો થઇ રહ્યાં છે. ચૂંટણી દરમ્યાન અટકાવી રાખેલી વહીવટી બદલીઓ તેમજ પોલીસ અધિકારીઓના પોસ્ટીંગનો મુદ્દો પણ હાથ પર લેવામાં આવશે. આગામી દિવસમાં આ તણ મહત્વના ફેરફારો જોઇ શકાય છે