રાજકોટ શહેરના ૫,૬૦,૦૦૦ મિલ્કતધારકો માટે ખુશ ખબર છે કે રાયમાં જંત્રી વધવાની સાથે મિલ્કતવેરા દર વધશે પરંતુ જંત્રી દર વધે તો પણ રાજકોટમાં હાલના તબક્કે મિલ્કતવેરો વધારવાની કોઇ જ વિચારણા નહીં હોવાનું જાણવા મળે છે, ખાસ કરીને આગામી વર્ષ ચુંટણી વર્ષ હોય મિલ્કતવેરો વધવાની શકયતા તદ્દન નહિવત છે. જો જંત્રી દર વધારાની અસરના ભાગપે મિલ્કતવેરો વધારવાનો થશે તો પણ આગામી વર્ષના બદલે ત્યાર પછીના વર્ષે વધારવામાં આવે તેવી સંભાવના છે.
ગુજરાત રાયમાં હાલ મહેસુલ વિભાગ દ્રારા નવી જંત્રી લાગુ કરવા તૈયારીઓ ચાલી રહી છે અને તેના સૂચિત દરો જાહેર કરાયા છે જે વર્તમાન દર કરતા બમણાંથી લઇને ચારથી પાંચ ગણા વધુ છે. જો કે હજુ આ તો સૂચિત દરો છે,વાંધા સુચનોની એક મહિના પૂર્ણ થયા બાદ ફાઇનલ દરો સામે આવશે. રાજકોટ શહેરમાં મહાપાલિકા દ્રારા એપ્રિલ–૨૦૧૮થી કાર્પેટ એરિયા બેઇઝ મિલ્કતવેરા આકારણીની પધ્ધતિ લાગુ કરાઇ છે જેથી જંત્રી દર વધારાની સીધી અસર મિલકત વેરા દર ઉપર આવે અને મિલ્કતવેરો પણ વધે. પરંતુ જંત્રી દર વધે તો પણ હાલના તબક્કે રાજકોટમાં મિલકત વેરા દર વધારવા માટે રાજકોટ મહાપાલિકાની કોઇ જ વિચારણા નહીં હોવાનું મ્યુનિ.સુત્રોમાંથી જાણવા મળે છે.
સુત્રોમાંથી પ્રા વિગતો મુજબ, રાજકોટ મહાપાલિકામાં કાર્પેટ એરિયા બેઇઝ મિલ્કતવેરા આકારણીમાં ચાર ફેકટર મુજબ વેરા ગણતરી કરવામાં આવે છે જેમાં (૧) એરિયા લોકેશન ગ્રેડ (અતિ પોશ, પોશ, મધ્યમ અને પછાત વિસ્તાર મુજબ એ,બી,સી, ડી ગ્રેડ) (૨) મિલકતનું આયુષ્ય (૩) મિલકતનો પ્રકાર (રહેણાંક, વાણિયક, ઔધોગિક, અન્ય વિગેરે) અને (૪) મિલકતનો ભોગવટા પ્રકાર (માલિક, ભાડુઆત) વિગેરેનો સમાવેશ થાય છે. આ ચાર ફેકટરમાં એરિયા લોકેશન ગ્રેડ મહેસુલી જંત્રીના આધારે નક્કી થતા હોય છે. આથી જંત્રી વધે તો તે મુજબ મહાપાલિકાની ટેકસ બ્રાન્ચના જંત્રી દરમાં પણ વૃધ્ધિ થાય તેવું બનવું જોઇએ પણ હાલ તબક્કે પદાધિકારીઓ કે તંત્રવાહકો તરફથી જંત્રી વધે કે તુરતં મિલ્કતવેરામાં વધારો કરવાની કોઇ વિચારણા નથી. જો કદાચ મિલ્કતવેરા દરમાં ત્વરિત વધારો લાગુ કરવો હોય તો પણ તે માટે ખુબ લાંબી એકસરસાઇઝ કરવી પડે અને તે માટે જરી પુરતો સ્ટાફ ઉપલબ્ધ નથી તેથી તે શકય બને તેમ નથી. તદઉપરાંત આગામી વર્ષ મહાપાલિકાનું ચૂંટણી વર્ષ હોય વેરા વધારો થવાની શકયતા નહીંવત છે. મહેસુલી જંત્રી દર વધારાની પ્રત્યક્ષ અસરના ભાગપે મિલ્કત વેરામાં વધારો કરવાનો જરથી થાય પણ રાજકોટમાં તેનો અમલ આગામી નાણાંકીય વર્ષને બદલે ૨૦૨૬–૨૦૨૭થી થાય તેવી સંભાવના છે