રાજકોટ શહેરમાં રખડું ઢોરનો ત્રાસ નિવારવા માટે આજે મહાપાલિકા કચેરીમાં બપોરે ૨–૦૦ કલાકે એક ઇમરજન્સી મિટિંગ બોલાવી હતી જેમાં પોલીસ કમિશનર રાજૂ ભાર્ગવ પણ ઉપસ્થિત રહ્યા હતા. હાઇકોર્ટ ની ફટકાર અને સરકાર ના આદેશ બાદ આજે રાજકોટ મહાપાલિકા અને પોલીસ તંત્રએ સંયુકત મિટિંગ યોજી એકશન પ્લાન તૈયાર કરવા ચર્ચા વિચારણા કરી હતી.

વિશેષમાં મહાપાલિકાના સૂત્રોમાંથી પ્રા વિગતો મુજબ ઉપરોકત મિટિંગમાં મેયર નયનાબેન પેઢડીયા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીન ભાઈ ઠાકર, શાસક નેતા લિલુબેન જાદવ, શાસક દંડક મનીષભાઇ રાડિયા સહિતના પદાધિકારીઓ તેમજ કમિશનર, ડેપ્યુટી કમિશનર નંદાની, વેટરનરી ઓફિસર ડો. જાકાસનીયા સહિતના અધિકારીઓ તેમજ પોલીસ વિભાગમાંથી રાજકોટ શહેર પોલીસ કમિશનર રાજુ ભાર્ગવ અને ડીસીપી વિગેરે ઉપસ્થિત રહ્યા હતા