વિપક્ષી એકતાની બીજી મોટી બેઠક આજે બેંગલુરુમાં થઈ હતી. આ બેઠકમાં 26 વિરોધ પક્ષોએ ભાગ લીધો હતો. બે દિવસીય બેઠકની અધ્યક્ષતા કોંગ્રેસ દ્વારા કરવામાં આવી હતી. આ બેઠક બાદ રાહુલ ગાંધી અને સોનિયા ગાંધી વિમાન દ્વારા દિલ્હી પરત ફરી રહ્યા હતા. ત્યારે જ તેના પ્લેનમાં ટેક્નિકલ ખામી જોવા મળી હતી. આ પછી રાહુલ ગાંધી અને સોનિયા ગાંધીની ફ્લાઈટ ભોપાલ એરપોર્ટ પર લેન્ડ કરવામાં આવી છે. આ સમયે ભોપાલમાં હવામાન પણ ખરાબ છે, તેથી બંને નેતાઓ ભોપાલ એરપોર્ટના વીઆઈપી લોન્જમાં હવામાન સુધરવાની રાહ જોઈ રહ્યા છે. મળતી માહિતી પ્રમાણે હવે તે ઈન્ડિગોની સામાન્ય ફ્લાઈટમાં 9:30 વાગ્યે દિલ્હી જવા રવાના થશે.