અઠવાડિયામાં 5.53 કરોડની વીજચોરી પકડતુ તંત્ર: શનિવારે 537 વીજ કનેકશનો ચેક કરાયા જેમાં 78 કનેકશનોમાં ગેરરીતી મળી આવી

જામનગર અને દેવભૂમિ દ્વારકા જિલ્લામાં કેટલાક વિસ્તારોમાં વીજલોસ આવતો હોય, સતત ચેકીંગ કરાતુ હોવા છતાં પણ વીજચોરી પકડાઇ છે. ગયા અઠવાડિયામાં 536 સ્થળોએથી ા. 5.53 કરોડની વીજચોરી પકડવામાં તંત્ર સફળ રહ્યું છે. શનિવારે જામનગર અને જામજોધપુર તાલુકામાંથી 537 વીજ કનેકશનો ચેક કરાયા હતા જેમાં 78માં વીજચોરી પકડી પાડવામાં આવી હતી.

પીજીવીસીએલનાં જણાવ્યા મુજબ જામજોધપુર તાલુકાના શેઠવડાળા, ખડબા, ચીરોળા, વેરાવળ, ઇશ્ર્વરીયા અને જામજોધપુર તાલુકાનાં કેટલાક ગામડાઓ તેમજ જામનગર તાલુકાનાં દરેડ, કનસુમરા, મકવાણા, નાધુના, ધોરીવાવ, જામનગર શહેરમાં રણજીતનગર, નાગરચકલો, સુમેર કલબ રોડ, દિ.પ્લોટ વિસ્તારમાં 45 ટીમોએ 537 કનેકશનો ચેક કયર્િ હતા જેમાં 78 માં વીજચોરી પકડાઇ હતી. અને ા. 40.60 લાખનો દંડ કરવામાં આવ્યો હતો. એસ.આર.પી.નાં બાર જવાનો અને પોલીસનાં 19 જવાનો આ વીજચોરી પકડવાનાં સમયે બંદોબસ્તમાં હતા.

આગામી દિવસોમાં વધુ વીજચોરી પકડી પાડવામાં આવશે જયાં જયાં વીજ કનેકશનોમાં લોસ આવે છે ત્યાં વીજચોરી પકડવા અભિયાન હાથ ધરવામાં આવશે તેમ પીજીવીસીએલનાં સુત્રોએ જણાવ્યું છે.