પીજીવીસીએલ દ્વારા હોટલ ખોડીયાર ભવનમાં ચેકીંગ કરાયા બાદ ગેરકાયદેસર વિજ જોડાણ કરાતા પોલીસ ફરિયાદ નોંધાવાઇ

પીજીવીસીએલ દ્વારા છેલ્લા અઠવાડીયાથી ઠેર-ઠેર ચેકીંગ કરવામાં આવી રહ્યું છે, ચાર દિવસમાં આશરે પોણા બે કરોડની ચોરી પકડાઇ છે ત્યારે દ્વારકા શહેરમાં આવેલી એક હોટલમાં પીજીવીસીએલના સંચાલકોને મળેલી બાતમી બાદ સરપ્રાઇઝ ચેકીંગ કરવામાં આવતા મોટા પાયે વિજ ચોરી થતી હોવાનું ઘ્યાને આવ્યું હતું, ત્યારે ા.17 લાખનું હોટલના સંચાલકોને બીલ ફટકારવામાં આવ્યું છે, કમ્પાઉન્ડીંગ ચાર્જની ા.1.50 લાખની વધારાની રકમ પણ ભરી આપવા એસેસમેન્ટ કરાયું છે.

પીજીવીસીએલના સુત્રોના જણાવ્યા મુજબ નાગેશ્ર્વર રોડ પર આવેલ હોટલ ખોડીયાર ભવનમાં ચેકીંગ કરાતા સંચાલક ભુટાભા બબાભા સુમણીયા દ્વારા પોતાના ધંધાના સ્થળમાંથી બાજુમાં પસાર થતાં હળવા દબાણના વિજ પોલમાંથી ગેરકાયદેસર  વિજ જોડાણ મેળવી 20 મીટર જેટલો સર્વિસ વાયર ખેંચી લીધો હતો અને તેના દ્વારા વિજ ચોરી થતી હોવાનું જાણવા મળે છે.

પીજીવીસીએલની ટુકડી દ્વારા સમગ્ર કાર્યવાહીનું વિડીયો રેકોર્ડીંગ કરવામાં આવ્યું હતું અને પંચની બ વિજ જોડાણ, લંગરીયું જેનો 20 મીટર વિજ વાયર ઉતારીને સંચાલક ભુટાભા સુમણીયા સામે વિજ પોલીસ મથકમાં ગુનો નોંધવામાં આવ્યો છે અને 17 લાખ 24 હજાર 582નું વિજ ચોરીનું પુરવણી બીલ પણ આપવામાં આવ્યું છે તેમજ અલગથી ા.દોઢ લાખ કમ્પાઉન્ડીંગ ચાર્જની રકમ એસેસમેન્ટ કરવામાં આવ્યું છે.