પરિવારમાં શોકનુ મોજુ : અકસ્માત સર્જી ચાલક ફરાર : પોલીસની તપાસ

જામનગર નજીક ઠેબા ચોકડી પાસે છોટા હાથીના ચાલકે બેફીકરાઇથી ચલાવીને બાઇકને હડફેટે લઇ અકસ્માત સર્જયો હતો જેમાં એક વૃઘ્ધનું ગંભીર ઇજા સબબ મૃત્યુ નિપજયુ છે. આ બનાવ અંગે છોટાહાથીના ચાલક સામે ફરીયાદ નોંધાવવામાં આવતા પોલીસે આરોપી ચાલકની શોધખોળ આદરી છે.

રાજકોટના ભકિતનગર સર્કલ, શિવશંકુલ એપાર્ટમેન્ટ ખાતે રહેતા ધર્મેશભાઇ ભરતભાઇ લાઠીયા (ઉ.વ.32) નામના યુવાને ગઇકાલે પંચ-બીમાં અજાણ્યા છોટાહાથી વાહનના ચાલક સામે ફરીયાદ નોંધાવી હતી.

ગઇકાલે જામનગર રાજકોટ હાઇવે ઠેબા ચોકડી પાસે છોટા હાથીના ચાલકે પોતાનું વાહન પુરઝડપે ગફલતભરી રીતે ચલાવી પોતાની તથા અન્ય રાહદારીની જીંદગી જોખમાય તે રીચે ચલાવીને ફરીયાદીના પિતા ભરતભાઇ ભીખુભાઇ લાઠીયા (ઉ.વ.65) ને હોન્ડા સાઇન બાઇક નં. જીજે3ઇએચ-2074 સાથે હડફેટે લઇ અકસ્માત સર્જયો હતો.

જેમાં વૃઘ્ધને માથા અને શરીરના ભાગે ગંભીર ઇજા પહોચાડતા સારવારમાં જી.જી. હોસ્પીટલ ખાતે લાવતા મોત નિપજયુ હતું. જયારે ચાલક નાશી છુટયો હતો. ફરીયાદના આધારે પંચ-બીના પીઆઇ રાઠોડ તપાસ ચલાવી રહયા છે.