છૂટાછેડાના કેસમાં ફેમિલી કોર્ટ દ્વારા આપવામાં આવતી ભરણપોષણની રકમ ઘટાડતી વખતે ઓરિસ્સા હાઈકોર્ટે એક મહત્વપૂર્ણ નિવેદન આપ્યું છે. કોર્ટનું કહેવું છે કે જો પત્ની શિક્ષિત હોય અને નોકરીનો અનુભવ હોય, તો તે પતિ પાસેથી ભરણપોષણ મેળવવા માટે ઘરે બેસી શકે નહિ. તેણે કામ કરવું જોઈએ. આ ઉપરાંત, કોર્ટે ભરણપોષણની રકમ 8000 રૂપિયાથી ઘટાડીને 5000 રૂપિયા પ્રતિ માસ કરી દીધી.
ન્યાયાધીશ ગૌરીશંકર સતપથીએ કહ્યું, કાયદો એવી પત્નીઓની કદર કરતો નથી જે ફક્ત પતિ પર ભરણપોષણનો બોજ નાખવા માટે નિષ્ક્રિય રહે છે. સારી અને ઉચ્ચ લાયકાત હોવા છતાં જો તેણી કામ કરવાનો પ્રયાસ ન કરે તો તે યોગ્ય નથી.
ચુકાદો આપતાં તેમણે વધુમાં કહ્યું કે, સીઆરપીસીની કલમ 125 હેઠળ વિધાનસભાનો ઉદ્દેશ્ય એવી પત્નીઓને રાહત આપવાનો છે જે પોતાનું ધ્યાન રાખવામાં અસમર્થ છે અને જેમની પાસે તેમના જીવનનિવર્હિ માટે પૂરતી આવક નથી. દરમિયાન, ઓડિશા સરકારે યુવા યુગલોમાં છૂટાછેડાના કેસોની વધતી સંખ્યાને ધ્યાનમાં રાખીને રાજ્યમાં લગ્ન પહેલાના કાઉન્સેલિંગ કેન્દ્રો ખોલવાનો નિર્ણય લીધો. એક અધિકારીએ જણાવ્યું હતું કે રાષ્ટ્રીય મહિલા આયોગના અધ્યક્ષ વિજયા રહાતકરના સૂચન બાદ મુખ્યમંત્રી મોહન ચરણ માઝીએ આ નિર્ણય લીધો હતો. નાયબ મુખ્યમંત્રી પ્રભાતી પરિદાએ જણાવ્યું હતું કે ઓડિશા 2025 ને છૂટાછેડા નિવારણ વર્ષ તરીકે ઉજવશે.