તુલસીને ધાર્મિક મહત્વ માનવામાં આવે છે અને આયુર્વેદની દૃષ્ટિએ પણ તુલસી ઔષધીય ગુણોથી ભરપૂર છે. તુલસીના પાનથી લઈને તેના લાકડા અને મૂળ સુધી તે ઉપયોગી છે. તુલસીનાં પાનને  માત્ર ચામાં ઉમેરીને જ નહીં પરંતુ ઉકાળો બનાવીને પણ પીવામાં આવે છે. જે શરદી, ઉધરસ, ગળામાં દુખાવો, તાવ વગેરે જેવી સમસ્યાઓથી રાહત આપે છે. તુલસીનો ઉપયોગ આપણા દાદીના સમયથી ઘરગથ્થુ ઉપચાર તરીકે કરવામાં આવે છે. પરંતુ શું તમે જાણો છો કે દરરોજ સવારે ખાલી પેટે તુલસીના ચાર પાન ખાવાથી તમારા સ્વાસ્થ્ય પર અનેક ફાયદાઓ થાય છે.

દરરોજ સવારે પાણી સાથે તુલસીના ચાર પાન ખાવાથી ઘણા ફાયદા થાય છે. ફક્ત એ વાતનું ધ્યાન રાખો કે પાંદડાને ખાવા  તેનો ખાશો નહીં. તો ચાલો જાણીએ કે દરરોજ સવારે તુલસીના ચાર પાન ખાવાથી સ્વાસ્થ્યને શું ફાયદા થાય છે.

વજન ઘટાડવામાં કરશે મદદ

તુલસીના પાનને રોજ સવારે નવશેકા પાણી સાથે લેવાથી મેટાબોલિઝમ વધે છે અને વજન ઘટાડવામાં મદદ મળે છે. જે લોકો વજન ઓછું કરવા માંગે છે તેઓએ દરરોજ સવારે લગભગ એક મહિના સુધી પાણી સાથે તુલસીના ચાર પાન ખાવા  જોઈએ.

રોગપ્રતિકારક શક્તિ વધારે છે

બદલાતી ઋતુમાં વાયરલ રોગોનો શિકાર બનવું સામાન્ય બાબત છે અને બાળકોથી લઈને પુખ્ત વયના દરેકને શરદી, ઉધરસ, તાવ જેવી સમસ્યાઓ થવા લાગે છે. દરરોજ સવારે તુલસીના પાન ખાવા થી તમે આ વાયરલ સ્વાસ્થ્ય સમસ્યાઓથી સુરક્ષિત રહો છો, કારણ કે તુલસી તમારી રોગપ્રતિકારક શક્તિને વધારે છે.

પાચન સુધરશે

દરરોજ સવારે તુલસીના પાન ખાવાથી પાચન ધીમે ધીમે સુધરે છે અને તમે પેટ સંબંધિત સમસ્યાઓ જેવી કે પેટનું ફૂલવું, કબજિયાત, ગેસ, અપચો, એસિડ રિફ્લક્સ વગેરેથી દૂર રહો છો. આ રીતે ફક્ત ચાર તુલસીના પાન તમારા સ્વાસ્થ્યને સુધારી શકે છે. જો કે, તેને લાંબા સમય સુધી સતત ન ખાવું જોઈએ. એક સમયે ત્રીસથી ચાલીસ દિવસ સુધી તુલસીનું સેવન કરવું પૂરતું છે.