ક્લાઈમેટ ચેન્જની આડઅસર અનેક સ્વરૂપે જોવા મળી રહી છે, હવે તેની અસર પૃથ્વીની ગતિવિધિ પર પણ પડી રહી છે. એક નવા અભ્યાસ મુજબ પૃથ્વીના ઉત્તર અને દક્ષિણ ધ્રુવ પર સ્થિત ગ્રીનલેન્ડ અને એન્ટાર્કટિકાના બરફ ઝડપથી પીગળી રહ્યા છે, જેનું પાણી વિષુવવૃત્ત તરફ આવી રહ્યું છે. આ કારણે પૃથ્વીનું દળ વધી રહ્યું છે અને પૃથ્વીના પરિભ્રમણની ગતિ ધીમી પડી રહી છે. પૃથ્વીની ગતિ ધીમી થવાને કારણે દિવસની લંબાઈ વધી રહી છે. સંશોધન મુજબ દિવસની લંબાઈ 86,400 સેક્ધડથી થોડી મિલીસેક્ધડ વધે છે. પ્રોસીડિંગ્સ ઓફ ધ નેશનલ એકેડમી ઓફ સાયન્સમાં પ્રકાશિત સંશોધન પેપરમાં આ માહિતી સામે આવી છે.

આ રિસર્ચ પેપર મુજબ, વૈજ્ઞાનિકોએ શોધી કાઢ્યું કે અવકાશમાંથી રેડિયો સિગ્નલને પૃથ્વીના વિવિધ બિંદુઓ સુધી પહોંચવામાં કેટલો સમય લાગે છે. આ તફાવતમાંથી, પૃથ્વીના ઝુકાવ અને દિવસની લંબાઈમાં થતા ફેરફારો વિશેની માહિતી બહાર આવી. પૃથ્વીના પરિભ્રમણની ઝડપ્ને ચોક્કસ રીતે માપવા માટે વૈજ્ઞાનિકોએ ગ્લોબલ પોઝિશનિંગ સિસ્ટમ (જીપીએસ)ની મદદ લીધી. જીપીએસ પૃથ્વીના પરિભ્રમણની ઝડપ્ને મિલીસેક્ધડના લગભગ એકસોમાં ભાગ સુધી માપી શકે છે. આ અભ્યાસમાં હજારો વર્ષ જૂના સૂર્યગ્રહણના ડેટાનો પણ સમાવેશ કરવામાં આવ્યો હતો.

પૃથ્વીના પરિભ્રમણની ધીમી ગતિનું એક મુખ્ય કારણ ચંદ્રનું ગુરુત્વાકર્ષણ છે. ગુરુત્વાકર્ષણ પૃથ્વી પરના મહાસાગરોમાંથી પાણી ખેંચે છે, જે ભરતીનું કારણ બને છે. આ પ્રક્રિયાને ભરતી ઘર્ષણ કહેવામાં આવે છે. આ ભરતી પૃથ્વીના પરિભ્રમણમાં ઘર્ષણ બનાવે છે, જે તેના પરિભ્રમણને ધીમું કરે છે. આના કારણે લાખો વર્ષોમાં પૃથ્વીની ગતિ ધીરે ધીરે પ્રતિ સદીમાં 2.40 મિલીસેક્ધડ ઘટી છે. અભ્યાસના સહ-લેખક સુરેન્દ્ર અધિકારીએ જણાવ્યું હતું કે અભ્યાસમાં ચોંકાવનારા ખુલાસા થયા છે, જે મુજબ જો આપણે આ ગતિએ ગ્રીનહાઉસ વાયુઓ છોડવાનું ચાલુ રાખીશું તો 21મી સદીના અંત સુધીમાં પૃથ્વી એટલી ગરમ થઈ જશે કે તેની અસર થશે. ચંદ્રના ખેંચાણ કરતા વધારે હશે. તેમણે કહ્યું કે, 1900 થી, આબોહવા પરિવર્તનને કારણે, દિવસો 0.8 મિલિસેક્ધડ લાંબા થઈ ગયા છે અને જો ગ્રીનહાઉસ ગેસનું ઉત્સર્જન આ જ રીતે વધતું રહેશે, તો વર્ષ 2100 સુધીમાં, ફક્ત આબોહવા પરિવર્તનને કારણે દિવસો 2.2 મિલીસેક્ધડ લાંબા થવા લાગશે..

 વિષુવવૃત્તની નજીક બદલાઈ રહ્યો છે પૃથ્વીનો આકાર
અભ્યાસના સહ-લેખક બેનેડિક્ટ સોજા કહે છે કે આ એકદમ સ્કેટિંગ કરનાર વ્યક્તિ જેવું છે જે પહેલા તેના હાથ તેની નજીક રાખે છે અને પછી ધીમે ધીમે તેને ખોલે છે. આને કારણે, તે વ્યક્તિની પરિભ્રમણની ગતિ આપોઆપ ધીમી થવા લાગે છે, કારણ કે તે પરિભ્રમણના કેન્દ્રથી દૂર જવાનું શરૂ કરે છે. તેમણે કહ્યું કે નારંગી આકારની પૃથ્વીનો વિષુવવૃત્ત પાસે એક નાનો ભાગ ભરતી, જ્વાળામુખી અને ધરતીકંપ્ને કારણે તેનો સતત આકાર બદલી રહ્યો છે.