દિલ્હી એક્સાઈઝ પોલિસી કૌભાંડ સંબંધિત મની લોન્ડરિંગ અને સીબીઆઈ કેસમાં નાયબ મુખ્યમંત્રી મનીષ સિસોદિયાની જામીન અરજીનો વિરોધ કરતા એન્ફોર્સમેન્ટ ડિરેક્ટોરેટ (ઈડી)એ દિલ્હી હાઈકોર્ટને જણાવ્યું કે ઈડી આમ આદમી પાર્ટીને આરોપી બનાવશે.

ઇડીએ મનીષ સિસોદિયાની જામીન અરજીનો વિરોધ કરતા કોર્ટમાં આ દલીલ આપી છે. EDએ કહ્યું કે આ અંગે ટૂંક સમયમાં પૂરક ચાર્જશીટ દાખલ કરવામાં આવશે. સિસોદિયાએ જામીન આપવાનો ઇનકાર કરવાના નીચલી કોર્ટના નિર્ણયને પડકાર્યો છે. સિસોદિયાએ કેસની સુનાવણીમાં વિલંબના એજન્સીના આરોપોને પાયાવિહોણા ગણાવ્યા છે.

જામીનની માંગ કરતા સિસોદિયાના વકીલે કહ્યું કે ED અને CBI હજુ પણ મની લોન્ડરિંગ અને ભ્રષ્ટાચારના કેસમાં લોકોની ધરપકડ કરી રહી છે અને ટ્રાયલ ટૂંક સમયમાં સમાપ્ત થવાનો કોઈ પ્રશ્ન નથી. મનીષ સિસોદિયાની લગભગ 8 કલાકની પૂછપરછ બાદ 26 ફેબ્રુઆરી 2023ના રોજ આ કેસમાં ધરપકડ કરવામાં આવી હતી.

આ પહેલા દિલ્હીના મુખ્યમંત્રી અરવિંદ કેજરીવાલને એક્સાઇઝ પોલિસી કૌભાંડ સંબંધિત મની લોન્ડરિંગ કેસમાં 10 મેના રોજ સુપ્રીમ કોર્ટમાંથી વચગાળાના જામીન મળ્યા હતા. તે 1 જૂન સુધી વચગાળાના જામીન પર છે. લોકસભા ચૂંટણી માટે મતદાન પૂર્ણ થયા બાદ 2 જૂને તેમણે આત્મસમર્પણ કરવું પડશે.